नवी दिल्ली । जर आपल्याकडे डिमॅट आणि ट्रेडिंग खाते असेल तर आपल्यासाठी ही बातमी महत्त्वपूर्ण आहे. वास्तविक, डिमॅट खाते किंवा ट्रेडिंग खाते असलेल्या गुंतवणूकदारांना 31 जुलैपर्यंत डिपॉझिटरीजद्वारे KYC डिटेल्स पूर्ण करण्याचा सल्ला दिला आहे. जर KYC डिटेल्स 31 जुलैपर्यंत अपडेट केले नाही तर तुमचे डीमॅट आणि ट्रेडिंग खाते डिएक्टिवेट होतील.
नॅशनल सिक्युरिटीज डिपॉझिटरीज लिमिटेड (NSDL) आणि सेंट्रल डिपॉझिटरी सर्व्हिसेस (CDSL) यांनी यावर्षी 7 आणि 5 एप्रिल रोजी परिपत्रके जारी केली होती. या परिपत्रकात, KYC डिटेल्स 31 जुलैपूर्वी अपडेट करण्यास सांगितले होते. यामध्ये पुढील 6 माहिती समाविष्ट आहे-
1. नाव
2. पत्ता
3. पॅन
4. मोबाईल नंबर
5. ईमेल आयडी
6. इनकम रेंज
1 जून 2021 पासून उघडलेल्या नवीन खात्यांसाठी सर्व सहा KYC डिटेल्स अनिवार्य करण्यात आले आहेत. सर्व विद्यमान खात्यांसाठी बाजार नियामक सेबीकडून डिपॉझिटरीजला याची पडताळणी करण्यास सांगण्यात आले.
शेअर बाजारात किरकोळ गुंतवणूकदारांचा सहभाग वाढत आहे
अलीकडेच, सेबीचे अध्यक्ष अजय त्यागी म्हणाले होते की,”देशांतर्गत सिक्युरिटीज मार्केटमध्ये किरकोळ गुंतवणूकदारांचा सहभाग झपाट्याने वाढला आहे आणि एप्रिल-जून दरम्यान दरमहा 24.5 लाख डीमॅट खाती उघडली गेली आहेत.” ते म्हणाले होते की,” देशाच्या सिक्युरिटीज मार्केटमध्ये गुंतवणूकदारांचे हित वाढण्याचे मुख्य कारण म्हणजे सध्याचा कमी व्याज दर आणि पुरेशी तरलता उपलब्धता.” त्यागीने असा इशारा दिला की,”तरलता कमी झाल्याने किंवा व्याजदराच्या वाढीचा परिणाम बाजारावर होऊ शकतो.”