तुम्ही जर मुंबई- गोवा महामार्गात प्रवास करणार असाल तर तुमच्यासाठी एक महत्वाची बातमी आहे. मुंबई गोवा महामार्गावरील कशेडी घाटाला पर्यायी दोन भुयारी मार्गांपैकी नव्याने वाहतुकीस सुरू करण्यात आलेला एक भुयारी मार्ग आजपासून बंद करण्याचा निर्णय प्रशासनाने घेतला आहे. त्यामुळे या मार्गाने जर तुम्ही प्रवास करणार असाल तर सावध राहा.
मिळालेल्या माहितीनुसार ,अंतर्गत कामे पूर्ण करण्यासाठी आज पासून म्हणजेच दिनांक 20 सप्टेंबर पासून बंद करण्यात येणार आहे. पर्यायी भुयारी मार्गावरील गटार लाईन, दर्शनी भाग, संरक्षण भिंत, सिमेंट काँक्रिटीकरणाची काम अपूर्ण आहे. ती काम पूर्ण करण्यासाठी हा वाहतूक पुन्हा बंद केली जाणार आहे.
हा भुयारी मार्ग मुख्यमंत्री एकनाथ शिंदे यांच्या दौऱ्यानंतर गणेशोत्सवाच्या पार्श्वभूमीवर 5 सप्टेंबर पासून वाहतुकीस खुला करण्यात आला होता. गेल्या वर्षी गणेश उत्सवात या भुयारी मार्गातून छोटी प्रवासी वाहन सोडण्यात आली होती. मात्र त्यानंतर पुन्हा तो भुयारी मार्ग वाहतुकीसाठी बंद ठेवण्यात आला. दुसऱ्या भुयारी मार्गाचे काम लवकरात लवकर पूर्ण होण्यासाठी वाहतूक बंद ठेवून काम वेगाने सुरू 25 फेब्रुवारीपासून शिमगा उत्सवापूर्वीच कोकणात ये-जा करण्यासाठी लहान वाहनांना कशेडी घाटाला पर्याय भुयारी मार्गाचा वापर करण्याची परवानगी देण्यात आली होती.
दरम्यान मुंबईहून अनेक कोकणवासी या मार्गावरून कोकणात जात असतात आणि गणेशोत्सव निमित्ताने इथे जाणाऱ्यांची संख्या सुद्धा जास्त असते म्हणूनच पाच दिवसांचे गौरी गणपती विसर्जन आणि अनंत चतुर्दशीनंतर परतीचा प्रवास सुखकर होण्यासाठी राष्ट्रीय बांधकाम विभाग आणि स्थानिक वाहतूक पोलिसांनी योग्य नियोजन केल्यामुळे कशेडी घाट आणि पर्यायी भुयारी मार्गाच्या परिसरात वाहतुकीची कोंडी झाली नाही. आता अंतर्गत कामे पूर्ण करण्यासाठी आज पासून म्हणजेच दिनांक 20 सप्टेंबर पासून बंद करण्यात येणार आहे.