हॅलो महाराष्ट्र ऑनलाईन । भाजप नेते तथा माजी मंत्री हर्षवर्धन पाटील यांच्या पाठोपाठ कन्या अंकिता पाटील यांनाही कोरोनाची लागण झाली आहे. त्यांनी ट्विटरद्वारे दिली आहे. मागील आठवड्यात अंकिता पाटील यांचा मुख्यमंत्री उद्धव ठाकरे यांचे पुतणे निहार बिंदूमाधव ठाकरे यांच्याशी विवाह झाला आहे.
अंकिता पाटील यांनी आपल्या ट्विटमध्ये म्हंटले आहे की, “आज माझी कोरोना चाचणी पॉझिटिव्ह आलेली आहे. माझी तब्येत व्यवस्थित आहे. डॉक्टरांच्या सल्ल्याने मी पुढील उपचार घेणार आहे. माझ्या संपर्कात आलेल्यांनी आपली कोरोना चाचणी करून घ्यावी व सर्वांनी आपली काळजी घ्यावी.,”असे ट्वीट अंकिता पाटील यांनी केले आहे.
आज माझी कोरोना चाचणी पॉझिटिव्ह आलेली आहे. माझी तब्येत व्यवस्थित आहे. डॉक्टरांच्या सल्ल्याने मी पुढील उपचार घेणार आहे. माझ्या संपर्कात आलेल्यांनी आपली कोरोना चाचणी करून घ्यावी व सर्वांनी आपली काळजी घ्यावी.
— Ankitaa Patil Thackeray (@iankitahpatil) January 2, 2022
दरम्यान, हर्षवर्धन पाटील यांना कोरोनाची लागण झाल्यानंतर त्यांनीही याबाबतची माहिती ट्विट करीत दिली होती. गेल्या काही दिवसांपासून कोरोना वाढत आहे. आपल्या सर्वांच्या व सहकाऱ्यांच्या सुरक्षेच्या दृष्टिकोनातून मी कोरोना तपासणी केली असता ती पॉझिटिव्ह आली आहे. पुढील उपचारासाठी मी रूग्णालयात दाखल झालो आहे.
इच्छा असताना देखील ही निर्बंधांमुळे व आपल्या सुरक्षेच्या कारणास्तव आपल्या सर्वांना भेटता येत नाही व आपले प्रश्न सोडवता येत नाहीत. परंतु प्रत्यक्ष मी जरी आपल्या सर्वांना भेटू शकत नसलो तरीही आपण मला दूरध्वनीद्वारे किंवा माझ्या कार्यालयास संपर्क करून आपल्या समस्यांचे निराकरण करण्यासाठी निसंकोचपणे सांगू शकता” असे ट्वीट हर्षवर्धन पाटील यांनी 31 डिसेंबर रोजी केले होते.