ब्यूनस आयर्स । अर्जेंटीना (Argentina) च्या आरोग्य मंत्रालयाने केलेल्या अभ्यासानुसार, कोरोना विषाणूविरूद्ध स्पुतनिक-व्ही किंवा अ‍ॅस्ट्रॅजेनेका लसीचा एक डोसदेखील 60 वर्षांपेक्षा जास्त वयाच्या लोकांमध्ये मृत्यूचे प्रमाण कमी करू शकतो. मंत्रालयाने जारी केलेल्या निवेदनात असे म्हटले आहे की,” 60 वर्ष किंवा त्याहून अधिक वयाच्या रूग्णांना देण्यात येणा-या लसीच्या डोसच्या क्षमतेच्या आकलनात हे तथ्य समोर आले आहे.”
अभ्यासानुसार असे म्हटले आहे की,” या लसींच्या दोन डोसमुळे होणाऱ्या मृत्यूचे प्रमाण 90 टक्क्यांपर्यंत कमी होते. या मूल्यांकना दरम्यान, 60 वर्षांवरील 4,71,682 लोकांचा अभ्यास केला गेला. दुसरीकडे, जगभरात कोरोना विषाणूचा प्रादुर्भावा दरम्यान, संसर्ग झालेल्यांची संख्या 18 कोटीने ओलांडली आहे आणि 39.09 लाख लोकं मरण पावले आहेत.
अमेरिकेच्या जॉन हॉपकिन्स विद्यापीठाच्या सेंटर फॉर सायन्स अँड इंजीनियरिंगने (CSSE) जाहीर केलेल्या ताज्या आकडेवारीनुसार जगातील 192 देश आणि प्रदेशात संसर्ग झालेल्यांची संख्या 18 कोटी चार लाख 10 हजार 131 झाली आहे, तर 38 लाख 98 हजार 983 लोकांचा या साथीच्या आजारामुळे बळी गेला आहे. जगातील महासत्ता समजल्या जाणार्‍या अमेरिकेत कोरोना विषाणूची गती थोडी कमी झाली आहे. येथे संसर्ग झालेल्यांची संख्या 3.36 कोटींपेक्षा जास्त आहे आणि 6.03 लाखांहून अधिक लोकं मरण पावले आहेत.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group