औरंगाबाद | शहरातील सिद्धार्थ उद्यानातील प्राणी संग्रहालयामधील दोन पिवळे वाघ पुणे येथील राजीव गांधी झूलॉजिकल पार्क आणि वाइल्डलाइफ रिसर्च सेंटरला दिले जाणार असून त्याच्या बदल्यात दोन नीलगाई आणल्या जाणार आहेत. प्राणिसंग्रहालयाअंतर्गत केल्या जाणाऱ्या या एक्सचेंज कला केंद्र शासनाच्या वन आणि पर्यावरण मंत्रालयाने मंजुरी दिली आहे.
पुणे येथील राजीव गांधी झूलॉजिकल पार्क अँड वर्ल्ड वाइल्ड लाईफ रिसर्च सेंटरने प्राणिसंग्रहालय प्राधिकरणाकडे पिवळ्या वाघाच्या जोडीची मागणी केली होती. प्राधिकरणाने या संदर्भात औरंगाबादच्या प्राणिसंग्रहालयाकडे विचारणा केली होती. सिद्धार्थ उद्यानात अकरा पिवळे भाग आहेत. त्यामुळे त्यातील दोन वाघ राजीव गांधी झूलॉजिकल पार्कसाठी देण्याचे निर्देश देण्यात आले आहेत.
याबाबत फाईल केंद्र सरकारच्या वन आणि पर्यावरण मंत्रालयाकडे पाठवण्यात आली. होती या मंत्रालयाने फाईल ला मंजुरी दिली आहे. तसे पत्र देखील वन आणि पर्यावरण मंत्रालयाकडून राजीव गांधी जूलॉजिकल पार्क च्या संचालकांना प्राप्त झाले. या पत्राची प्रत औरंगाबादच्या प्राणिसंग्रहालयाचा देण्यात आली. त्यानुसार सिद्धार्थ उद्यानाच्या प्राणिसंग्रहालयातील अर्जुन हा सात वर्षाचा वाघ आणि भक्ती ही पाच वर्षाची वाघीण आता पुण्याला पाठवली जाणार आहे. त्यांच्या बदल्यात पुण्याहून औरंगाबादला दोन नीलगाई दिल्या जाणार आहेत.
