काॅलेज परिसरात अवैधरित्या पिस्टल बाळगणारास अटक

कराड | शहर पोलीस ठाणे हद्दीत अवैधरित्या पिस्टल बाळगणाऱ्या एकास अटक केली आहे. सैदापूर होली फॅमीली याठिकाणी पांढऱ्या रंगाची ॲक्टीवा मोटार सायकल (MH- 50- J- 6833) या गाडीवरून संशयित अखिलेश सुरज नलवडे हा पिस्टल घेवून फिरत होता. याबाबत गोपनीय बातमीदारांकडून वरिष्ठ पोलीस निरीक्षक बी. आर. पाटील यांना मिळाली होती.

पोलिसांनी दिलेली माहीती अशी, वरिष्ठ पोलिस निरीक्षक श्री. पाटील यांनी सपोनि अमित बाबर, सपोनि विजय गोडसे व त्यांचे पथकास कळवून पुढील कारवाई करण्यात आली. त्यानुसार गुन्हे प्रकटीकरण शाखेच्या व ओगलेवाडी दुरक्षेत्राचे पथकाने छापा कारवाई केली असता सदर ठिकाणी अभिलेखावरील गुन्हेगार अखिलेश सुरज नलवडे हा संशयीतरित्या पकडले. त्या इसमास त्याचे नाव गाव विचारले असता त्याने त्याचे नाव अखिलेश सुरज नलवडे (वय 21 वर्षे, पीडी पाटील नगर, शिवार हॉटेल समोर, गजानन हौसिंग सोसायटी गोवारे रोड ता.कराड) असे सांगितले. त्याची दोन पंचासमक्ष जागीच अंगझडती घेतली असता त्याचे ताब्यात असलेल्या एका मोटार सायकलचे डिकीत पिस्टल 100,000/- रुपये किंमतीची एक सिल्वर रंगाची लोखंडी पिस्टल त्यास लोखंडी मुठीस फायबर कव्हर असलेले देशी बनावटीचे मॅगझीन सह पिस्टल व 50,000/- रुपये किंमतीची ॲक्टीव्हा मोटार सायकल मिळून आली. गुन्हयाचा पुढील तपास सपेानि अमित बाबर हे करत आहेत.

सदरची कामगिरी गुन्हे प्रकटीकरण शाखेचे प्रमुख सपोनि अमित बाबर, सपोनि विजय गोडसे, पोउपनि अशोक भापकर, सफौ संतोष सपाटे, सतीश जाधव, पोलीस हवालदार जयसिंग राजगे, नितीन येळवे, सचिन सुर्यवंशी, पोलीस नाईक संजय जाधव, संदीप कुंभार, प्रफुल्ल गाडे, आनंदा जाधव, संग्राम पाटील, सुजीत दाभाडे, धीरज कोरडे, किशोर तारळकर यांनी केलेली आहे.