हॅलो महाराष्ट्र ऑनलाईन | राज्यात विधानसभा निवडणुकीच्या निकालाची रणधुमाळी चालू असताना मावळ विधानसभा मतदारसंघातून एक मोठी बातमी समोर आली आहे. ती म्हणजे आता सुनील शेळके यांचा बहुमताने विजय झालेला आहे. अपक्ष उमेदवार बापूसाहेब भेगडे यांचा पराभूत करत सुनील शेळके यांनी विजयाचा गुलाल उधळला आहे. मावळ तालुक्यातील तळेगाव या ठिकाणी मावळ मतदार संघाची मतमोजणी झालेली आहे. आणि सुनील शेळके हे विजयी झालेले आहेत. जवळपास एक लाखाच्या फरकाने ते निवडून आलेले आहेत.
राज्यातील 288 विधानसभा मतदारसंघांमध्ये मतमोजणी झालेली आहे. आज सकाळी आठ वाजल्यापासूनच या मतमोजणीला सुरुवात झालेली आहे. अगदी सुरुवातीपासूनच सुनील शेळके हे आघाडीवर राहिलेले आहे. त्यामुळे विजयी होणे त्यांच्यासाठी सोप्पे होते. गेल्या पाच वर्षात त्यांनी अनेक विकास कामे केलेली आहेत. यामुळे मावळकरांनी त्यांना पुन्हा एकदा निवडून दिलेले आहे.
संपूर्ण मावळ तालुक्यामध्ये सध्या उत्साहाचे वातावरण दिसत आहे. सुनील शेळके यांनी केलेल्या कामाची पोच पावती त्यांना या विधानसभा निवडणुकीच्या निकालात पुन्हा एकदा मिळालेली आहे. तसेच इथून पुढे देखील ते विविध कामकाज करणारच त्याची माहिती त्यांनी या आधीच दिलेली आहे.