नवी दिल्ली । PNB (Punjab National Bank) आणि BoI (Bank of India) च्या ग्राहकांसाठी एक महत्त्वाची बातमी आहे. या दोन्ही बँकांवर रिझर्व्ह बँक ऑफ इंडिया (Reserve Bank of India) ने सहा कोटी रुपयांचा दंड ठोठावला आहे. निकषांचे उल्लंघन केल्यामुळे ‘या’ बँकांवर हा दंड आकारण्यात आला आहे. यापैकी एक उल्लंघन वर्गीकरणाच्या नियमांशी आणि फसवणूकीच्या रिपोर्टिंगशी संबंधित आहे. बँक ऑफ इंडियाला 4 कोटी आणि पंजाब नॅशनल बँकेला 2 कोटींचा दंड ठोठावण्यात आला.
एका निवेदनात, RBI ने म्हटले आहे की,” 31 मार्च 2019 रोजी इंस्पेक्शन ऑफ सुपरवाइजर इवेलुएशन (ISE) साठी वैधानिक तपासणी केली गेली. खात्याने केलेली फसवणूक शोधण्यासाठी बॅंकेने एक आढावा घेतला आणि फसवणूक मॉनिटरिंग रिपोर्ट (FMR) सादर केला.
अहवालात खुलासा केला आहे
RBI ने एका वेगळ्या निवेदनात म्हटले आहे की,”पंजाब नॅशनल बँकेकडे आर्थिक स्थितीचा संदर्भ घेऊन वैधानिक तपासणी करण्यात आली आहे.” केंद्रीय बँकेने असे म्हटले आहे की,”जोखीम मूल्यांकन अहवालाच्या तपासणीत असे दिसून आले आहे की या प्रकरणांमध्ये निकषांचे पालन केले जात नाही.”
बँकांना पाठविलेल्या कारणे दाखवा
या दोन्ही प्रकरणांमध्ये या दोन्ही बँकांकडून दंड न आकारण्याचे कारण विचारून सार्वजनिक क्षेत्रातील बँकांना कारणे दाखवा नोटीस पाठविण्यात आल्या. नियामक पालन न केल्यामुळे दोन्ही बँकांना दंड ठोठावण्यात आला असल्याचे RBI चे म्हणणे आहे.
‘या’ बँकांनाही दंड ठोठावण्यात आला आहे
यापूर्वी RBI ने बँकिंग नियमन कायद्याच्या कलम 6(2) आणि कलम 8 मधील तरतुदींचे उल्लंघन केल्याबद्दल देशातील सर्वात मोठी खासगी बँक एचडीएफसीला दहा कोटी रुपयांचा दंड ठोठावला होता. त्याचबरोबर प्रियदर्शनी महिला नागरी सहकारी बँक ऑफ महाराष्ट्रला नियमांकडे दुर्लक्ष केल्याबद्दल 1 लाख रुपयांचा दंड ठोठावण्यात आला.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा