औरंगाबाद प्रतिनिधी | औरंगाबाद जिल्ह्यात कोरोना व्हायरसने थैमान घातले आहे. औरंगाबाद शहर मागील काही दिवसांपासून कोरोनाचे हाॅटस्पाॅट झाले असून कोरोना बाधितांची संख्या झपाट्याने वाढताना दिसत आहे. आज औरंगाबादेत कोरोनाचे आणखी १४ नवे रुग्ण सापडल्याने जिल्ह्यातील एकुण कोरोनाग्रस्तांची संख्या १४४ वर पोहोचली आहे.
मिळालेल्या माहितीनुसार, आज सापडलेल्या रुग्णांमध्ये भीमनगर येथील ६, किलेअर्क १, आसिफिया कॉलनी २, नूर कॉलनी १, कैलास नगर १, चिकलठाणा १, सावरकर नगर १, जिल्हा रुग्णालय घाटी मधील १ अशा १४ जणांचा समावेश आहे.
दरम्यान, जिल्ह्यातील कोरोना बाधितांची संख्या अवघ्या २ दिवसांत तीनपट झाली अाहे. औरंगाबाद कर‍ांसाठी ही धोकेची घंटा असून नागरिकांनी संतर्क रहावे असे आवाहन जिल्हा प्रशासनाकडून करण्यात येत आहे.