नवी दिल्ली । देशातील सर्वात मोठी कार उत्पादक मारुती सुझुकी इंडिया म्हणजेच MSI ने गुरुवारी सांगितले की,”जून 2021 मध्ये त्यांची विक्री तीन पटीने वाढून 1,47,368 यूनिट्सवर गेली असून मेमध्ये ती 46,555 यूनिट्स होती. MSI ने म्हटले आहे की, कोविड महामारीशी संबंधित निर्बंध कमी केल्यामुळे डीलरशिपवर अधिक युनिट्स पाठविण्यास मदत झाली. कंपनीने म्हटले आहे की, घरगुती आघाडीवर मेच्या 35,293 युनिट्सच्या तुलनेत गेल्या महिन्यात त्यांनी 1,30,348 युनिट्स डीलर्सकडे पाठविली.
कंपनीने म्हटले आहे की, ऑल्टो आणि एस-प्रेसोसह छोट्या मोटारींची विक्री जूनमध्ये 17,439 युनिट्सने वाढली असून ती या वर्षाच्या मेमध्ये 4,760 युनिट्स होती. त्याचप्रमाणे कॉम्पॅक्ट सेगमेंटसह इतर सर्व विभागांच्या विक्रीतही वाढ झाली आहे. या कालावधीत निर्यातीत 17,020 वाहनांची विक्री झाली असून या वर्षाच्या मेमध्ये 11,262 वाहनांची विक्री झाली आहे.
जूनमध्ये ह्युंदाईची घाऊक विक्री 54,474 कार होती
कोरियन वाहन निर्माता कंपनी ह्युंदाई मोटर इंडिया लिमिटेडने (HMIL) गुरुवारी सांगितले की, जून 2021 मध्ये त्यांची घाऊक विक्री 54,474 यूनिट्सवर गेली असून मेमध्ये ती 30,703 यूनिट्सपेक्षा 77 टक्क्यांनी वाढली आहे. HMIL ने म्हटले आहे की, या कालावधीत त्यांनी 40,496 वाहने देशांतर्गत डीलरशिपवर पाठविली, तर मे 2021 मध्ये ही संख्या 25,001 वाहने होती. कंपनीने म्हटले आहे की, जूनमध्ये निर्यातीत वाढ झाली असून ते मेमधील 5,702 युनिट्सच्या तुलनेत जूनमध्ये 13,978 युनिट्सवर पोहोचले आहेत.
टोयोटाने जूनमध्ये 8,801 वाहने डीलर्सकडे पाठविली
त्याच वेळी टोयोटा किर्लोस्कर मोटरने (TKM) गुरुवारी सांगितले की, विविध राज्यांमध्ये कोरोना विषाणूच्या साथीच्या आजारामुळे लागू करण्यात आलेली निर्बंध हटवल्यामुळे जूनमध्ये 8,801 वाहने डीलर्सकडे पाठविली गेली, जी या वर्षाच्या मेपेक्षा 13 पट वाढीची आहेत. कंपनीने मेमध्ये 707 वाहने पाठविली होती, मागील वर्षी जूनमध्ये ती 3,866 वाहने होती.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा