Thursday, February 2, 2023

सेमी-कंडक्टरच्या अभावामुळे ऑटो सेक्टर त्रस्त, त्याचा तुमच्यावर कसा परिणाम होईल ते जाणून घ्या

- Advertisement -

नवी दिल्ली । पुरवठ्याच्या कमतरतेमुळे सप्टेंबरमध्ये प्रवासी वाहनांच्या (PV) विक्रीवर परिणाम होण्याची शक्यता आहे. अलीकडे, ग्लोबल सेमीकंडक्टर्स पुरवठा साखळीच्या अभावामुळे वाहन उत्पादनावर गंभीर परिणाम झाला आहे. इलेक्ट्रॉनिक घटक विविध प्रकारच्या फंक्शन्ससाठी वापरले जातात जे इंटरनल कम्बशन इंजिनच्या निर्मितीमध्ये महत्वाची भूमिका बजावतात. याव्यतिरिक्त, ते कोणत्याही वाहनातील सर्व प्रकारच्या सेन्सर आणि नियंत्रणाचा एक आवश्यक असलेला भाग आहेत.

ऑटो सेक्टरवर कसा परिणाम होईल ?
सध्या, या कमतरतेमुळे अनेक OEMs ला उत्पादन कमी करण्यास भाग पाडले गेले आहे, ज्यामुळे लोकप्रिय, वैशिष्ट्यपूर्ण आणि हाय एंड मॉडेलची वाट पाहण्याची वेळ आणखी वाढली आहे. इंडिया रेटिंग्स अँड रिसर्च (Ind-Ra) च्या रिपोर्ट नुसार, सेमीकंडक्टरची कमतरता सप्टेंबरमध्ये PV व्हॉल्यूमवर जास्त परिणाम करेल. पुढे, त्यात असेही म्हटले गेले आहे की,”सप्टेंबरमध्ये 2W’ व्हॉल्यूम मंद राहू शकते, जरी 2022 च्या मध्यापर्यंत हळूहळू सुधारणा अपेक्षित आहे, शैक्षणिक संस्था आणि कार्यालये पुन्हा सुरू करण्याची मागणी केल्यामुळे आधार मिळू शकेल.”

- Advertisement -

चांगली मार्केट डिमांड
गेल्या महिन्यात ओणमने सुरु झालेली सणासुदीची मागणी आणि दैनंदिन कोविड प्रकरणांमध्ये सतत घट झाल्याने ग्राहकांचे मनोबल वाढले, परिणामी ऑगस्टमध्ये घरगुती वाहन विक्रीचे प्रमाण वाढले. रिसर्च नुसार, पुरवठा साखळीची चिंता, विशेषत: सेमी-कंडक्टर चिप्सची कमतरता, वाढीस अडथळा आणते.मुख्यत्वे ‘2W’ विभागात घट झाल्यामुळे विक्रीचे प्रमाण दरवर्षी 11% ने कमी झाले. या रिसर्चमध्ये असेही म्हटले गर्लर आहे की,”घरगुती ‘3W’ ने वर्षभराच्या विक्रीत 60 टक्के वाढ कमी बेसमुळे झाली आहे, मात्र, ऑगस्ट 2019 च्या तुलनेत वॉल्यूम 40 टक्के कमी होता.”

सेमी-कंडक्टर चीप्सची वाढती मागणी
या रिपोर्टमध्ये पुढे नमूद केले गेले आहे की,’PV’ सेगमेंटला मजबूत डिमांड टेलविंड्सचा फायदा होत असताना, सेमीकंडक्टर चीप्सच्या कमतरतेमुळे ऑगस्ट 2021 मध्ये विक्री आणि उत्पादन खंडात अनुक्रमे 12% आणि 21% घट झाली आहे. सलग तिसऱ्या महिन्यात, त्याच कालावधीच्या तुलनेत FY20 मध्ये जास्त खंड होता, जो कोविडपूर्व पातळीवर परत येण्याचे संकेत देतो. 38 % वार्षिक विक्री वाढीसह, देशांतर्गत PV मागणी युटिलिटी व्हेइकल्स (UVs) कडे बदलत राहिली, जी सर्व घरगुती PV विक्रीच्या 49 % आहे.