बँक ऑफ बडोदा मध्ये दोन बँकांचे विलीनीकरण आता पूर्ण, याचा ग्राहकांवर कसा परिणाम होईल ते जाणून घ्या

नवी दिल्ली । देना बँक आणि विजया बँक 1 एप्रिल 2019 रोजी बँक ऑफ बडोदामध्ये विलीन झाल्या, परंतु सर्व 3,898 शाखांचे एकत्रीकरण डिसेंबर 2020 मध्ये पूर्ण झाले आहे. आता देना बँक व विजया बँकेच्या ग्राहकांना बँक ऑफ बडोदाच्या 8,248 शाखा आणि 10,318 एटीएमचा लाभ घेता येणार आहे. विलीनीकरणानंतर, देना बँक आणि विजया बँकेचे ग्राहक त्यांचे खाते क्रमांक, सीआयएफ क्रमांक, डेबिट कार्ड आणि क्रेडिट कार्ड क्रमांक, आयएफसी कोड बदलले जाणार. आता बँकेने आपल्या वेबसाइटवर अशा सर्व प्रश्नांची उत्तरे दिली आहेत.

आता नवीन खाते क्रमांक ग्राहकांना उपलब्ध करुन देण्यात येणार आहेत
बँक ऑफ बडोदाने सांगितले आहे की, आता दोन विलीनीकृत बँकांच्या खातेदारांचा खाते क्रमांक बदलला जाईल. वास्तविक, डेटा मायग्रेशननंतर ग्राहकांना नवीन खाते क्रमांक दिले जातील. सर्व ग्राहकांना रडिस्टर्ड मोबाइल क्रमांकावर एसएमएसद्वारे याची माहिती दिली जाईल. यासंदर्भात ग्राहकांना बँक ऑफ बडोदाच्या संपर्क केंद्रातूनही माहिती मिळू शकेल. तसेच कस्टमर आयडेंटिफिकेशन नंबर (CIF) देखील बदलेल. सर्व खातेधारकांच्या खात्यांचा वाटप केलेल्या ग्राहक क्रमांकाशी लिंक केला जाईल. देना बँक आणि विजया बँकेच्या ग्राहकांची शाखा आता बँक ऑफ बडोदामध्ये बदलली जाईल. यामुळे ग्राहकांचा शाखा कोडही बदलला जाईल.

https://t.co/u35WG1SpIO?amp=1

शाखेचा पत्ता आणि नावाशिवाय यामध्येही बदल करण्यात येतील
विलीनीकरणानंतर, शाखेचा पत्ता आणि शाखेचे नाव (Branch Address & Name) देखील बदलले जाईल. यातील काही बदल केल्यास ग्राहकांना कळविण्यात येतील. याशिवाय यासंदर्भातील माहिती बँकेच्या संकेतस्थळावरही देण्यात आली आहे. बँक ऑफ बडोदाने सांगितले आहे की, ग्राहकांचा आयएफएससी कोड आणि एमआयसीआर कोडही बदलला जाईल. तथापि, बँक ऑफ बडोदा ग्राहकांना नवीन आयएफएससी आणि एमआयसीआर कोड प्रदान करेपर्यंत, ते जुन्या कोडसह काम करणे सुरू ठेवू शकतात.

https://t.co/qSLjckzFeM?amp=1

विद्यमान कार्डे एक्‍सपायर होईपर्यंत वापरली जाऊ शकतात
डेबिट कार्डची मुदत संपेपर्यंत देना बँक आणि विजया बँकेचे ग्राहक सध्याच्या पिनसह त्याचा वापर करण्यास सक्षम असतील. तथापि, बँक ऑफ बडोदाच्या एटीएममध्ये डेबिट कार्ड टाकल्यावर पहिले ग्राहकांना पिन बदलण्यास सांगितले जाईल. तारीख एक्‍सपायर झाल्यानंतर, ग्राहकांना नवीन डेबिट कार्डसाठी अर्ज करावा लागेल. त्याच वेळी, सर्व प्रकारच्या डिजिटल सर्विसेजचा लाभ केवळ https://www.bobibanking.com वरच मिळेल. येथे उपलब्ध असलेल्या मोबाइल बँकिंगचा फायदा घेण्यासाठी सर्व ग्राहकांना त्यांच्या स्मार्टफोनमध्ये बँक ऑफ बडोदाचे M-Connect Plus अ‍ॅप इंस्टॉल करावे लागतील.

https://t.co/GoY0lYJTBu?amp=1

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.