बगदाद । इन्स्टाग्रामर हसीन नूरझान अल-शाममारीच्या (Nourzan Al-Shammari) दुःखद मृत्यूनंतर बगदादमधील प्रत्येकजण हादरला आहे. दिवसाढवळ्या झालेल्या नूरझानच्या वेदनादायक मृत्यूचा व्हिडिओ देखील सोशल मीडियावर शेअर करण्यात आला. आरस्पानी सौन्दर्य असलेल्या नूरझानचा गुन्हा इतकाच होता की, तिने आपल्या त्याच्या चुलत भावाशी लग्न करण्यास नकार दिला.
इराकच्या बगदादमध्ये राहणारी नूरझान एका बेकरीमध्ये काम करत होती. आपल्या कामावरून घरी परतत असताना वाटेत तिघांनी तिच्यावर हल्ला केला. त्यांच्या हातात चाकू होता आणि त्यांचे चेहरे झाकलेले होते. ही घटना दिवसाच्या उजेडात घडली.
नूरझान अल-शम्मरीच्या ऑनर किलिंगचा व्हिडिओ देखील बनवण्यात आला आणि सोशल मीडियावर शेअर करण्यात आला. या प्रकरणी पोलिसांनी नूरझानच्या चुलत भावाला अटक केली आहे, तर दोन चुलत भाऊ अद्याप फरार आहेत.
वयाच्या 13 व्या वर्षी नूरझानचे जबरदस्तीने पहिले लग्न झाले. तिचे पहिले लग्न तुटल्यानंतर दुसरे लग्नही तिच्याच चुलत भावाबरोबर ठरले होते. नूरझानने या लग्नाला नकार दिला, ज्यानंतर तिला ही भयानक शिक्षा देण्यात आली. या लग्नाबाबत तिला आधीच धमक्या मिळाल्या होत्या.
नूरझान काही काळ सोशल मीडियावर खूप ऍक्टिव्ह होती आणि तिचे फोटो इन्स्टाग्रामवर पोस्ट करत होती. याबद्दलही, तिच्या घरातील लोकं त्याच्यावर खूप रागावले. गल्फ न्यूजच्या वृत्तानुसार, इराकच्या अंतर्गत मंत्रालयाने म्हटले आहे की,” नूरझानच्या भावांनी आपला गुन्हा स्वीकारला आहे आणि कौटुंबिक समस्यांमुळे त्यांनी असे केले आहे.”
नूरझानच्या दुःखद मृत्यूमुळे संपूर्ण इराकमध्ये महिलांवरील गुन्ह्यांविषयी खळबळजनक वातावरण निर्माण झाले आहे आणि त्याबद्दल निषेधही झाले. लोकांनी सोशल मीडियावर प्रचारही केला होता, त्यानंतर सरकारने या प्रकरणी कडक कारवाई केली.