हॅलो महाराष्ट्र ऑनलाइन | भाजप नेते चंद्रशेखर बावनकुळे यांनी काँग्रेस प्रदेशाध्यक्ष नाना पटोले यांच्यावर सडकून टीका केली आहे. नाना पटोले हे ‘मिस्टर नटवरलाल’ भूमिकेत असून ते खोटं बोलण्याचे काम करत आहेत अशा शब्दांत त्यांनी नाना पटोले यांच्यावर निशाणा साधला. तसेच आपण नाना पटोले यांच्याविरोधात गुन्हा दाखल झाला पाहिजे अस ते म्हणाले.
चंद्रशेखर बावनकुळे म्हणाले, नाना पटोले हे ‘मिस्टर नटवरलाल’ भूमिकेत आहे. देशाचे पंतप्रधान नरेंद्र मोदी यांच्या बद्दल वादग्रस्त वक्तव्य करून त्यांनी गावातील गाव गुंडा बद्दल बोलल्याचं सांगत ते खोटं बोलत आहे. एवढेच नाही तर ते काँग्रेसची प्रतिमा घालवण्याचा काम करत आहेत. अशी टीका भाजप नेते चंद्रशेखर बावनकुळे यांनी केली आहे.
नाना पटोले यांच्यामुळे सोनिया गांधी आणि राहुल गांधी यांची प्रतिमा यांच्यामुळे जाण्याची वेळ आली आहे. मी त्यांच्या विरोधात आंदोलन केलं तिथे माझ्यावर गुन्हा दाखल करण्यात आला, पण ज्या ठिकाणी काँग्रेसचे प्रदेशाध्यक्ष नाना पटोले यांनी हे वक्तव्य केलं तिथे चारशे लोकांची गरज होती आता त्यांच्यावर गुन्हा दाखल झाला नाही मी याविरोधात कोर्टात जाऊन गुन्हा दाखल करण्यासाठी प्रयत्न करणार आहे असंही चंद्रशेखर बावनकुळे म्हणाले आहेत.