हॅलो महाराष्ट्र ऑनलाइन | बिहार विधानसभा निवडणुकीनंतर आता भाजपाने दक्षिणेतील राज्यांकडे आपलं लक्ष केंद्रीत करायला सुरुवात केली आहे. तेलंगणात सध्या हैदराबाद महानगरपालिकेच्या निवडणुकांसाठी प्रचार सुरू आहे. याच दरम्यान भारतीय जनता पक्षाचे खासदार तेजस्वी सूर्या (Tejaswi Surya) यांनी एआयएमआयएम पक्षाचे अध्यक्ष आणि खासदार असदुद्दीन ओवैसी (AIMIM leader Asaduddin Owaisi) यांच्यावर जोरदार टीकास्त्र सोडलं आहे. ओवेसींना दिलेलं प्रत्येक मत म्हणजे भारताविरुद्ध मत आहे अशी टीका त्यांनी केली.
“ओवेसी बंधू कधीच जुन्या हैदराबादचा विकास करणार नाही. ते केवळ रोहिंग्या मुस्लिमांना भारतात प्रवेश देतील. ओवेसींना मिळणारं प्रत्येक मत हे भारताच्या विरोधात पडणार मत असेल. असदुद्दीने ओवेसी हे विक्षिप्त इस्लाम, विभाजनवाद आणि टोकाच्या विचारसरणीच्या गोष्टी करतात याच गोष्टी मोहम्मद अली जिन्नाही करायचे,” अशा शब्दांमध्ये सुर्या यांनी ओवेसी बंधुंवर निशाणा साधला.
He (Asaduddin Owaisi) speaks the language of rabid Islamism, separatism and extremism which Mohd Ali Jinnah was also speaking: Tejasvi Surya, BJP https://t.co/B9cvNaWjEJ
— ANI (@ANI) November 23, 2020
“असदुद्दीन ओवैसी हे मोहम्मद अली जिना यांचे अवतार आहेत” असं म्हणत तेजस्वी सूर्या यांनी ओवैसींवर हल्लाबोल केला आहे. ओवैसींना मत देण्याचा अर्थ म्हणजे भारताविरुद्धं मत देणं असा घणाघात देखील केला आहे. “ही फक्त एक महानगरपालिका निवडणूक नाही, जर तुम्ही ओवैसी यांना मतं दिली तर ते महाराष्ट्र, कर्नाटक, बिहार, उत्तर प्रदेशांत मजबूत होतात” असं म्हटलं आहे. हैदराबादमध्ये प्रचार करताना तेजस्वी सूर्या यांनी असं म्हटलं आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला whatsapp करा आणि लिहा ‘Hello News’