हॅलो महाराष्ट्र ऑनलाइन | राज्यातील एसटी कामगार संपावर अद्याप तोडगा निघाला नसून कर्मचारी विलीनीकरणाच्या मुद्द्यांवर ठाम आहेत. काल राष्ट्रवादी काँग्रेसचे अध्यक्ष शरद पवार आणि परिवहन मंत्री यांनी कृती समितीशी चर्चा करत कर्मचाऱ्यांना कामावर परत येण्याचे आवाहन केलं. या ऐकून सर्व पार्श्वभूमीवर भाजप आमदार गोपीचंद पडळकर यांनी अनिल परब याना सल्ला दिला आहे. अनिल परब यांनी स्वतः एसटी कामगारांशी बोलावं आणि त्यांना आश्वासित करावं की बडतर्फीची कारवाई मागे घेण्यात येईल जेणेकरून चर्चेचा मार्ग मोकळा होईल असे पडळकर म्हणाले
याबाबत गोपीचंद पडळकर म्हणाले की, आज सर्वात पहिले सगळ्या एसटी कर्मचाऱ्यांचं अभिनंदन करतो. त्यांनी एकजूटीनं लढा दिला. कुठल्याही युनियनचे सभासद फी भरली नाही. महसूलात घट आणली आणि त्यामुळेच शरद पवारांना आज तुमच्या विषयाबद्दल खुलेआम तुमच्या सोबत चर्चा करण्यास भाग पाडले. अनिल परब यांनी कर्मचाऱ्यांना स्वत: भेटावं आणि ठामपणे आश्वासित करावं की बडतर्फीची कार्यवाही मागे घेण्यात येईल जेणेकरुन चर्चेचा मार्ग मोकळा होईल असं त्यांनी सांगितले.
#एसटी_कर्मचाऱ्यांच्या एकजूटीमुळं @PawarSpeaks ना खुलेआम चर्चा करण्यास भाग पडलं.@advanilparab इतर दरवाजे ठोठावण्यापेक्षा आझाद मैदानात #मराठी एसटी कामगारांशी चर्चा का करत नाहीत?माझ्या विनंतीचा नाही तर किमान @OfficeofUT नी महाराष्ट्राच्या जनतेला दिलेल्या शब्दाचा तरी मान राखा. pic.twitter.com/DVTt1TGwRc
— Gopichand Padalkar (@GopichandP_MLC) January 11, 2022
अनिल परब यांनी दुसऱ्याचे दरवाजे थोठावण्यापेक्षा आझाद मैदानात मराठी एसटी कामगारांशी चर्चा का करत नाहीत? अनिल परब यांनी स्वतः एसटी कामगारांशी बोलावं आणि त्यांना आश्वासित करावं की बडतर्फीची कारवाई मागे घेण्यात येईल जेणेकरून चर्चेचा मार्ग मोकळा होईल . मुख्यमंत्री उद्धव ठाकरे म्हणाले होतेच की मी माझ्या मंत्र्यांना स्वतः मोर्चाला समोरे जाण्यास सांगेल. माझ्या विनंतीचा नाही तर किमान उद्धव ठाकरेंनी महाराष्ट्राच्या जनतेला दिलेल्या शब्दाचा तरी मान राखा आणि दोन पाऊल पुढे जाऊन आपुलकीने त्यांची समजूत काढा, चर्चा करा आणि यावर तोडगा काढा असा सल्लाही गोपीचंद पडळकरांनी यांनी दिला आहे.