हॅलो महाराष्ट्र ऑनलाइन | पोर्नोग्राफी प्रकारणामुळे अटकेत असलेल्या उद्योगपती राज कुंद्रा यांच्या अडचणीत वाढ होताना दिसत आहे. राज कुंद्रानं हजारो कोटी रुपयांची फसवणूक केल्याचा आरोप भाजप नेते राम कदम यांनी केला आहे. तसेच फ्रॉड केल्यानंतर याच लोकांविरोधात गुन्हा दाखल करण्यात आला”, असा दावाही त्यांनी केला.
गॉड गेमच्या नावावर राज कुंद्राने लोकांकडून ३०-३० लाख रुपये घेतले आणि ते त्यांना कधीच परत केले नाहीत, असा आरोप कदम यांनी केला आहे. अशा प्रकारे देशातून हजारो नागरिकांची फसवणूक करण्यात येत असून २५०० ते ३०० करोड रुपयांचा घोटाळा करण्यात आला असल्याचा आरोप राम कदम यांनी केला आहे.
राज कुंद्राने आपली पत्नी शिल्पा शेट्टीचा हा गेम फॉर्वर्ड करण्यासाठी वापर करत डिस्ट्रिब्यूटर्सला आकर्षित केलं. तसेच डिस्ट्रीब्यूटर जेव्हा त्याच्याकडे पैशांचा तगादा लावयला लागले होते तेव्हा राज कुंद्राच्या सुरक्षा रक्षकांनी त्यांना मारहाण केल्याची माहिती देण्यात आली आहे. इतकेच नव्हे, तर पीडितांविरोधात पोलीस ठाण्यात तक्रारदेखील करण्यात आली असे राम कदम यांनी म्हंटल.