हॅलो महाराष्ट्र ऑनलाइन | मुंबई जिल्हा बँक निवडणुकीत भाजपला जबर धक्का बसला असून राष्ट्रवादी काँग्रेसचे सिद्धार्थ कांबळे यांनी अध्यक्षपदी निवड झाली आहे. भाजपच्या प्रसाद लाड यांचा पराभव करत कांबळे अध्यक्ष झाले. शिवसेना आणि राष्ट्रवादीने मिळून प्रवीण दरेकर आणि भाजपला घेरण्याचा प्रयत्न केला होता.
शिवसेना +राष्ट्रवादी काँग्रेस एकत्र आल्यामुळे ११ संचालक सदस्य झाली आहे. तर भाजपकडे आता ९ संचालक आहे. त्यामुळे सिद्धार्थ कांबळे यांनी 11 विरुद्ध 9 असा विजय मिळवला आहे. उपाध्यक्ष पदाची निवडणूक मात्र टाय झाली. यानंतर ईश्वर चिठ्ठीने याबाबतचा निर्णय घेण्यात आला. त्यानंतर उपाध्यक्ष पद विठ्ठल भोसले यांच्याकडे गेलं आहे. थोडक्यात अध्यक्षपद राष्ट्रवादीकडे आणि उपाध्यक्षपद भाजपकडे गेलं आहे.
काही वेळापूर्वी सह्याद्री अतिथिगृहात अर्थ मंत्री अजित पवार आणि पर्यटन मंत्री आदित्य ठाकरे यांच्या सूचनेनुसार शिवसेना आणि राष्ट्रवादी काँग्रेसचे मुंबई बँकेतील प्रतिनिधीची एकत्र बैठक पार पडली होती. त्यानंतर दोन्ही पक्षांनी मुंबई बँकेवरील भाजपचं वर्चस्वाला धक्का देत सत्ता परीवर्तन करण्याची रणनिती आखली.
मुंबई बँकेवर कोणत्या पक्षाचे किती संचालक?
भाजप संचालक
प्रवीण दरेकर
प्रसाद लाड
विठ्ठल भोसले
आनंद गाड
कविता देशमुख
विनोद बोरसे
सरोद पटेल
नितीन बनकर
अनिल गजरे
राष्ट्रवादी काँग्रेस संचालक
>> संदीप घनदाट
>> शिवाजीराव नलावडे
>> पुरुषोत्तम दळवी
>> विष्णू गंमरे
>> सिद्धार्थ कांबळे
>> जयश्री पांचाळ
>> नंदू काटकर
>> जिजाबा पखर
शिवसेना संचालक
सुनील राऊत
अभिषेक घोसाळकर
शिल्पा सरपोतदार