हॅलो महाराष्ट्र ऑनलाईन | भारतीय क्रिकेट संघाचा सर्वोत्तम कर्णधार आणि कॅप्टन कूल म्हणून ओळखला जाणारा महेंद्रसिंग धोनीने कालच आंतरराष्ट्रीय क्रिकेट मधून आपली निवृत्ती जाहीर केली.परंतु आपण इंडियन प्रीमियर लीग मात्र खेळणार आहोत असही धोनीने नमूद केलं.यातच आता धोनीला चक्क एक वेगळीच ऑफर आल्याच पाहायला मिळत आहे. भाजपचे राज्यसभेचर खासदार सुब्रमण्यम स्वामी यांनी धोनीला २०२४ मध्ये लोकसभेची निवडणूक लढण्याचा सल्ला दिला आहे.
M. S. Dhoni is retiring from Cricket but not from anything else. His talent-to be able to fight against odds and his inspiring leadership of a team that he has demonstrated in cricket is needed in public life. He should fight in LS General Elections in 2024.
— Subramanian Swamy (@Swamy39) August 16, 2020
धोनीनं आतापर्यंत कधीच कोणत्याही पक्षाला जाहीररित्या पाठिंबा दिला नव्हता.परंतु झारखंडमधील त्याची लोकप्रियता पाहता त्याची राजकीय कारकिर्दही चांगली चालू शकते अशी शक्यता वर्तवण्यात येत आहे.त्यानं जे कौशल्य आणि संघाचं नेतृत्व करण्याची क्षमता क्रिकेटमध्ये दाखवली त्याची सार्वजनिक आयुष्यातही गरज आहे. त्याला २०२४ ची लोकसभा निवडणूक लढायला हवी,” असं स्वामी म्हणाले.
याअगोदर भाजपानं दोन- तीन वर्षांपूर्वी महेंद्रसिंह धोनीशी संपर्क साधला होता. ‘संपर्क से समर्थन’ या अभियानाअंतर्गत तत्कालिन भाजपा अध्यक्ष आणि विद्यमान गृहमंत्री अमित शाह यांनी धोनीची भेट घेतली होती.
