Breast Cancer | विज्ञान आणि तंत्रज्ञानाने मानवाच्या आयुष्यात खूप प्रगती केली. परंतु या वाढलेल्या प्रगती सोबत माणसाची जीवनशैली देखील बदललेली आहे. जीवनशैली बदलल्यामुळे त्याचा परिणाम त्यांच्या आरोग्यावर झालेला आहे. त्यामुळे अनेक आजार लोकांना होत आहेत. आजकाल खास करून कर्करोग हा अनेक लोकांमध्ये वाढताना दिसत आहे. त्यातही महिलांमध्ये स्तनांचा कर्करोग (Breast Cancer) ही अत्यंत सामान्य घटना झालेली आहे. आज काल आपण पाहिले, तर अगदी तरुण महिला देखील या स्तनाच्या कर्करोगाला बळी पडत आहेत. ही दिवसेंदिवस वाढलेली चिंतेची बाब आहे. याआधी जवळपास 50 वर्षाच्या जास्त असणाऱ्या महिलांना स्तनाचा कर्करोग होत होता. परंतु आजकाल अगदी लहान वयातच स्तनांचा कर्करोग होतो. परंतु लहान वयात स्तनांचा कर्करोग होण्याची नक्की काय कारणे आहे? हे आज आपण जाणून घेऊया.
अनुवंशिक घटक | Breast Cancer
स्तनांचा कर्करोग होण्यामागे अनुवंशिक घटक हे प्रमुख कारण आहे. जर तुमच्या कुटुंबातील आधी कुठल्या व्यक्तीला कर्करोग असेल, तर त्याचा पुढील पिढीला तो कर्करोग होण्याचा धोका होऊ शकतो. त्यामुळे हा रोग पुढच्या पिढीला हस्तांतरित होऊ शकतो. आणि ज्यामुळे त्यामुळेच आजकाल लहान वयातही मुलींना कर्करोग होण्याचा धोका वाढत आहे.
हार्मोनल असंतुलन
तरुण मुलींच्या शरीरात अनेक हार्मोनल बदल होत असतात. आणि त्याच बदलांमुळे स्तनाचा कर्करोग होऊ शकतो. आजकाल मुलींना मासिक पाळी खूपच लवकर येते. आणि त्यामुळे इस्ट्रोजन हे हार्मोन त्यांच्या शरीरात बराच काळ राहते. यासोबतच हार्मोनल थेरपी घेणे, गर्भनिरोधक गोळ्यांचा वापर करणे यामुळे हार्मोनल असंतुलन होते. आणि मुलींना अगदी कमी वय असतानाचा कर्करोग होऊ शकतो.
खराब जीवनशैली
खराब जीवनशैली ही आजकाल प्रत्येक आजारावरचे कारण बनलेले आहे. बाहेरचे तेलकट खाणे, धूम्रपान करणे, अल्कोहोलचे सेवन करणे यांसारख्या गोष्टी जर तुम्ही सातत्याने करत असला, तरतुमच्या स्तनामध्ये कर्करोगाच्या पेशी वाढण्याचा धोका वाढतो. याशिवाय शारीरिक हालचाली कमी असणे, लठ्ठपणा, मानसिक तणाव यामुळे देखील हा आजार वाढू शकतो.
पर्यावरणाचा प्रभाव
जर तुमच्यासोबत कालच्या वातावरणामध्ये काही रसायने असतील, तर त्याचा परिणाम होऊन देखील तुमच्या शरीरात कर्करोगाच्या पेशी वाढू शकतात. या रसायनांमुळे शरीरात हार्मोनल बदल होतात. त्यामुळे प्रदूषण, रसायनिक, कीटकनाशके यांच्या संपर्कात सहसा जाऊ नये. कारण कर्करोग होण्यासाठी हे घटक देखील कारणीभूत ठरतात.
लठ्ठपणा | Breast Cancer
लोकांच्या खाण्यापिण्याच्या सवयी बदललेल्या आहे. त्यामुळे सगळ्यांमध्ये लठ्ठपणा वाढत चाललेला आहे. जास्त चरबीयुक्त पदार्थ खाल्ल्याने शरीरात एस्ट्रोजनची पातळी वाढते. आणि कर्करोगाचा धोका धोका वाढतो. त्यामुळे आपण सकस आणि ताजे अन्न खाल्ले पाहिजे.