हॅलो महाराष्ट्र ऑनलाईन । देशी टेलिकॉम कंपनी BSNL हि तिच्या स्वस्त रिचार्ज प्लॅनसाठी ओळखली जाते. त्यातच मागील महिन्यापासून जिओ, एअरटेल सारख्या देशातील आघाडीच्या टेलिकॉम कंपन्यांनी आपल्या मोबाईल रिचार्जच्या किमती वाढवल्यानंतर अनेक ग्राहक बीएसएनएल (BSNL Recharge Plan) कडे वळत आहेत. कमी पैशात बीएसएनएल रिचार्ज उपलब्ध असल्याने ग्राहकांना ते चांगलंच परवडत आहे. तुम्ही सुद्धा BSNL चे ग्राहक असाल तर आज आम्ही तुम्हाला अशाच एका प्रीपेड रिचार्ज प्लॅन बद्दल सांगणार आहोत ज्याची किंमत फक्त 91 रुपये असून ग्राहकांना २ महिने म्हणजेच तब्बल 60 दिवसांची व्हॅलिडिटी मिळतेय. आज आपण या रिचार्ज प्लॅन बद्दल सविस्तर माहिती जाणून घेऊयात….
काय फायदे मिळतात – BSNL Recharge Plan
तस बघितलं तर BSNL कडे ग्राहकांच्या गरजेनुसार वेगवेगळे रिचार्ज प्लॅन उपलब्ध आहेत. यामध्ये कमीत कमी दिवसापासून ते लॉंग टर्म प्लॅनचा समावेश आहे. आज आम्ही तुम्हाला 91 रुपयांच्या ज्या प्लॅन बद्दल सांगणार आहोत त्या प्लॅनची खास बाब म्हणजे तुम्हाला तुमचे सिम कमी खर्चात जास्त दिवस ॲक्टिव्ह ठेवायचे असेल तर हा रिचार्ज तुम्हाला परवडेल. या प्लॅनमध्ये युजर्सना 60 दिवसांची व्हॅलिडिटी मिळतेय. मात्र तुम्हाला कॉलिंग आणि डेटासाठी चार्जेस भरावे लागतील. कॉलिंग साठी तुम्हाला 15 पैसे प्रति मिनिट आणि 25 पैसे प्रति SMS द्यावे लागतील. याशिवाय, तुम्हाला इंटरनेटसाठी 1 पैसे प्रति MB दराने चार्जेस भरावे लागतील. (BSNL Recharge Plan)
बीएसएनएलचा 187 रुपयांचा प्लॅनही परवडतो
BSNL चा 187 रुपयांचा प्रीपेड प्लान सुद्धा ग्राहकांसाठी बेस्ट पर्याय मानला जातो. या प्लॅनमध्ये यूजर्सला दररोज 2GB इंटरनेट डेटा वापरायला मिळतो. याशिवाय लोकांना अनलिमिटेड कॉलिंगसह दररोज 100 एसएमएसची सुविधाही मिळते. BSNL चा हा प्लान 28 दिवसांसाठी वैध आहे. जर आपण इतर टेलिकॉम कंपन्यांशी तुलना केली तर बीएसएनएलचा हा रिचार्ज प्लॅन अतिशय स्वस्त ठरतोय.
दरम्यान, ऑक्टोबर 2024 पर्यंत BSNL कडून देशभरात सुमारे 80 हजार टॉवर बसवले जातील अशी माहिती केंद्रीय मंत्री ज्योतिरादित्य सिंधिया यांनी दिली होती. तर मार्च 2025 पर्यंत आणखी हजार टॉवर बसवले जातील असं त्यांनी म्हंटल होते. म्हणजेच एकूण 1 लाख BSNL टॉवर देशात उभारले जातील. सध्या जरी BSNL 4G सेवा देत असली तरी कंपनी 5G इंटरनेटवर सुद्धा काम करत आहे. बीएसएनएलचे नवीन 5G सिमकार्डची झलक सुद्धा काही दिवसांपूर्वी समोर आली होती. त्यामुळे येत्या काळात Jio-Airtel ला टक्कर देत BSNL जोरदार मुसंडी *BSNL Sim Card) मारण्याची शक्यता आहे.