Budget 2021: सरकारकडे कसा जमा करायचा आहे टॅक्स, मागील वर्षी काय बदल झाले ते जाणून घ्या

नवी दिल्ली । केंद्रीय अर्थमंत्री निर्मला सीतारमण उद्या 2021-22 या आर्थिक वर्षाचा अर्थसंकल्प सादर करणार आहेत. यावेळी त्यांचे तिसरे बजट असेल आणि तेही खूप महत्वाचे बजट आहे. कोरोना विषाणूच्या साथीने अर्थव्यवस्थेचे कंबरडे मोडले आहे. अशा परिस्थितीत अर्थसंकल्पातून सर्वसामान्य तसेच व्यवसाय जगताला बऱ्याच मोठ्या अपेक्षा आहेत. यंदाचा अर्थसंकल्प सादर होण्यापूर्वी सध्याच्या टॅक्स स्लॅबशी संबंधित सर्व माहिती जाणून घेउयात.

  1. निर्मला सीतारमण यांनी मागील अर्थसंकल्पात वार्षिक 15 लाखांपर्यंतची कमाई करणाऱ्यांसाठी नवीन टॅक्स स्लॅब आणि टॅक्स रेटची घोषणा केली होती. मात्र, हे केवळ त्यांच्यासाठीच होते जे टॅक्स सूटचा लाभ घेऊ इच्छित नव्हते.

  2. सध्या भारतात 7 टॅक्स स्लॅब असून प्रत्येक गटासाठी टॅक्स रेट वेगळा आहे. वैयक्तिक करदात्यांचे तीन प्रकार सध्या आहेत. यामध्ये 60 वर्षांपेक्षा कमी वयाची लोकं, 60 वर्षांवरील परंतु 80 वर्षांपेक्षा कमी व 80 वर्षांपेक्षा जास्त वयाची लोकं समाविष्ट आहेत.

  3. नवीन टॅक्स सिस्टिम मध्ये असे म्हटले गेले आहे की, वर्षाला अडीच लाख रुपये मिळविणार्‍याला इन्कम टॅक्स भरण्याची गरज नाही. वर्षाकाठी अडीच लाख ते पाच लाख रुपये उत्पन्न मिळवणारे पुढील स्लॅबमध्ये येतात. त्यांना 5 टक्के दराने टॅक्स भरावा लागेल. त्याचप्रमाणे, वर्षाकाठी 5 ते 7.5 लाख रुपये कमविणाऱ्याला 15 टक्के दराने टॅक्स भरावा लागेल आणि 10 लाख रुपये उत्पन्न मिळणार्‍याला 7.5 टक्के टॅक्स भरावा लागेल.

  4. पुढचा टॅक्स स्लॅब 10 लाख ते 10.5 लाख रुपये कमवणार्‍या लोकांसाठी आहे, जे 20 टक्के दराने टॅक्स भरतील. यानंतर 12.5 लाख ते 15 लाख रुपयांपर्यंत उत्पन्न मिळविणाऱ्यांना 25 टक्के टॅक्स भरावा लागेल. 15 लाखांपेक्षा जास्त उत्पन्न असणाऱ्यांना 30 टक्के दराने टॅक्स भरावा लागेल.

  5. आपल्याला हे लक्षात ठेवावे लागेल की, या नवीन टॅक्स स्ट्रक्चरमध्ये तुम्हाला घरपट्टी, विमा किंवा स्टॅण्डर्ड डिडक्शन वगैरे कर सवलतीचा लाभ मिळणार नाही. सध्या दोन्ही करांचे फायदे आणि तोटे समजून घेतल्यानंतरच करदात्यांना स्वतःसाठी योग्य पर्याय निवडण्याची संधी आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

You might also like