जळगाव प्रतिनिधी | जिल्ह्यातील पाचोरा तालुक्यातील गिरड रोडवर आज सकाळी कार आणि एसटी बस चा भीषण अपघात झाला. यामधे कार मधील आठ वर्षीय बालिका जागीच ठार झालीय तर अन्य आठ जण गंभीर जखमी झाले आहेत.
काकणबर्डी ते ओझर रस्त्यावर पाचोऱ्याकडून एरंडोलकडे जाणाऱ्या बस ने ( क्र. एम एच 20 डी 9538) व एरंडोल येथून पिंपळगाव हरेश्वर येथे आषाढी एकादशी निमित्त यात्रेला जात असलेल्या मराठे कुटुंबाच्या कार ( क्र. एम एच 20 डी 7678) ला जोरदार धडक दिली. यामुळे झालेल्या भीषण अपघातात कार मधील आठ वर्षीय बालिका परी मराठे व कार चालक बापू मराठे हे जागीच ठार झाले व आठ जण यात जखमी झाले आहे.
स्थानिक नागरिकांनी जखमींना तात्काळ रुग्णालयात दाखल केले असून त्यांच्यावर सरकारी दवाखान्यात उपचार सुरु आहेत.