हॅलो महाराष्ट्र ऑनलाईन । आजच्या काळात आधार कार्ड सर्व नागरिकांसाठी अत्यंत महत्त्वाचे बनले आहे. बँकेट खाते उघडायचे असो की सिम कार्ड घ्यायचे असो, सगळीकडे आधार आवश्यकच आहे. आधार कार्ड हे ग्राहकांच्या सोयीच्या दृष्टीने युनिक आयडेंटिफिकेशन अ‍ॅथॉरिटी ऑफ इंडियाने एक ट्विटर सेवा सुरू केली आहे.
आता आपण यूआयडीएआयच्या ट्विटर हँडलवर आपले कोणतेही प्रश्न विचारू शकता. ग्राहकांच्या सोयीसाठी यूआयडीएआयने सोशल मीडियावर समस्या सोडविण्यासाठी सोशल मीडिया हँडल सुरू केले आहे. आधारशी संबंधित कोणतीही माहिती आपण आता चुटकीसरशी घेऊ शकतो.
जर आपल्यालाही आधारबाबत काही समस्या असतील किंवा आपल्याला कोणतीही माहिती हवी असेल तर आपण @UIDAI और @Aadhaar_Care वर ट्विट करू शकता. याशिवाय आधार प्रादेशिक कार्यालयाच्या अधिकृत ट्विटर हँडलवरही त्यांचे प्रश्न विचारू शकता आणि उत्तरे मिळवू शकता.
येथे आपण आधार कार्डशी संबंधित कोणतीही तक्रार दाखल करू शकता. युआयडीएआयने ग्राहकांच्या सोयीसाठी सर्व सुविधा ऑनलाईन पुरविणे सुरू केले आहे. आता आधारवरचे नाव बदलण्यापासून ते फोन नंबर बदलन्यापर्यंत सर्व काही ऑनलाईन करता येईल. याशिवाय तुम्ही आधार कार्डच्या अधिकृत वेबसाईटवर जाऊनही तक्रार नोंदवू शकता.
यावर्षी चॅटबॉट ही सुविधा सुरू करण्यात आली
यावर्षी जानेवारीच्या सुरुवातीस, युनिक आयडेंटिफिकेशन अ‍ॅथॉरिटी ऑफ इंडियाने एस्क आधार चॅटबॉट सुरू केले. येथे लोकांच्या प्रश्नांची उत्तरे दिली जातात, यावर युजरला आधारशी संबंधित कोणत्याही प्रश्नाचे उत्तर त्वरित मिळते. चॅटबॉट एक सॉफ्टवेअर बेस्ड अ‍ॅप्लिकेशन आहे जे चॅट इंटरफेस म्हणून काम करते. हे आर्टिफीशियल इंटेलिजेंसच्या मदतीने प्रश्नांची उत्तरे देते.
यूआयडीएआय 1 जूनपासून देशभरात आधार अपडेट करण्याचे काम करत आहे. त्याअंतर्गत आधार कार्डधारकांचे लोकेशन व बायोमेट्रिक अपडेट केली जात आहेत. आधार अपडेट करण्यासाठी देशभरात 17,000 हून अधिक आधार केंद्रे सुरू केली गेली आहेत. लवकरच उर्वरित देशातील कोरोनाची परिस्थिती नियंत्रणात आल्यानंतर आणखी आधार केंद्रे सुरु केली जातील.
युनिक आयडेंटिफिकेशन अ‍ॅथॉरिटी ऑफ इंडियाने डिसेंबर 2019 मध्ये जाहीर केलेल्या आकडेवारीनुसार देशात राहणाऱ्या 125 कोटी नागरिकांसाठी आधार कार्ड बनविण्यात आले आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.