औरंगाबाद | रस्त्याच्या कडेला उभी करण्यात आलेली भंगार वाहनांमूळे वाहतूक कोंडी आणि वाहन चालवण्यास अडथळा निर्माण होतो. त्यामूळे या वाहनावर 2 ऑगस्ट पासून कारवाईचे आदेश प्रशासकांकडून देण्यात आले होते. आता या आदेशाची अंमलबजावणी करण्यात येत आहे. यावेळी प्रशासनाने दिलेल्या आदेशानुसार झोन 1 पासून सुरुवात करण्यात आली होती.
बुधवारी झोन 9 मधील एकूण 12 वाहनांवर कारवाई करण्यात आली. त्याचबरोबर दोन वाहने जप्त करून गरवारे स्टेडियममध्ये तीन वाहने, उस्मानपुरा पोलीस स्टेशन येथे पोलीस निरीक्षक यांच्याशी चर्चा करून त्यांच्या हद्दीत ठेवण्यात आली असून इतर सात वाहने नागरिकांनी स्वतःहून काढून घेतली. त्याचबरोबर झोन 6 मध्ये 1 वाहन जप्त करण्यात आले असून चार वाहने नागरिकांनी स्वतःहून काढून घेतली. झोन 7 मधील एक वाहन जप्त करण्यात आले.
आतापर्यंत तीन दिवसांमध्ये 28 वाहनांवर कारवाई करण्यात आली 21 वाहने जप्त करून गरवारे स्टेडियम येथे जमा करण्यात आले. बरोबर महापालिकेतर्फे करण्यात आलेला बेवारस वाहणांच्या सर्वेमध्ये झोन 9 नऊ मध्ये 271 वाहने आढळून आले होते. 26 हजार रुपयांचा दंड वसुल करण्यात आला. ही कारवाई अतिरिक्त आयुक्त रविंद्र निकम यांच्या नियंत्रणाखाली कार्यकारी अभियंता डी. के. पंडित यांच्या नेतृत्वाखाली करण्यात आली. त्याचबरोबर ही मोहीम 31 ऑगस्टपर्यंत सुरू राहणार होती, परंतु आजपासून ही कारवाई बंद करण्यात येणार आहे. पुन्हा अशी वाहने निदर्शनास आल्यावर कारवाई करण्यात येईल असे कार्यकारी अभियंता पंडित यांनी सांगितले.