हॅलो महाराष्ट्र ऑनलाईन | भाजप नेते देवेंद्र फडणवीस यांच्या पत्नी अमृता फडणवीस यांच्याबद्दल राष्ट्रवादी काँग्रेसचे नवी मुंबईचे जिल्हाध्यक्ष अशोक गावडे यांनी अक्षेपार्ह वक्तव्य केले आहे. त्यांनी केलेल्या वक्तव्यावरून त्यांच्यावर गुन्हा दाखल करण्यात आला आहे.
राष्ट्रवादी काँग्रेसचे मंत्री नवाब मालिक यांच्यावर ईडीने केलेल्या कारवाई विरोधात नवी मुंबईत निषेध आंदोलन करण्यात आले. यावेळी नवी मुंबईचे जिल्हाध्यक्ष अशोक गावडे यांनी आक्षेपार्ह वक्तव्य केले होते. त्यावरून भाजप शिष्टमंडळातर्फे तक्रार देत गावडे यांच्यावर गुन्हा दाखल करण्याची मागणी केली होती.
वादग्रस्त वक्तव्यानंतर वाशी पोलिस ठाण्यात भाजपा आमदार मंदा म्हात्रे तर माजी खासदार संजीव नाईक यांनी पोलिस उपायुक्तांकडे तक्रार केली होती. दरम्यान, कलम 509 अंतर्गत गाडवे यांच्यावर गुन्हा दाखल करण्यात आला आहे.
