हॅलो महाराष्ट्र ऑनलाईन । ब्रिटन सरकारने रविवारी म्हटले आहे की कोरोनाव्हायरस संसर्गाच्या वाढत्या घटनांच्या पार्श्वभूमीवर काही भागात स्थानिक लॉकडाऊन लादण्याची योजना आहे, कारण ब्रिटनच्या वांशिक अल्पसंख्याकांच्या ताज्या आकडेवारीत असे दिसून आले आहे कि भारतीय लोकांमध्ये या प्राणघातक विषाणूचा सर्वाधिक परिणाम झालेल्या लोकांच्या वर्गवारीत समावेश आहे. गृहमंत्री प्रीती पटेल यांनी लेसेस्टरमध्ये अशा प्रकारच्या पहिल्या स्थानिक लॉकडाऊनच्या वृत्ताचे ‘सत्य’ म्हणून वर्णन केले आहे. पूर्व ब्रिटनच्या या प्रदेशात भारतीय वंशाच्या लोकांची संख्या लक्षणीय आहे.
पटेल म्हणाल्या कि, ‘आम्ही देशभरात विशेषत: गेल्या तीन किंवा चार आठवड्यांपासून या संसर्गाच्या घटनांमध्ये मोठ्या प्रमाणात वाढ नोंदवित आहोत. त्यामुळे लेसेस्टरला योग्य ती मदत पाठविली जात आहे. ते म्हणाले की, स्थानिक पातळीवर झालेली ही वाढ पाहता, स्थानिक पातळीवर हा संसर्ग रोखण्यासाठी उपाय शोधणे योग्यच आहे. याअंतर्गत सोशल डिस्टंसिंगचे काटेकोरपणे पालन, ज्यादा तपासणीसह अन्य पावले उचलावीत. असे केल्याने आपण या विषाणूचा प्रसार होण्यापासून रोखू शकतो.अन्यथा हे संक्रमण येथे शिगेला पोहोचू शकते.
भारतीय वंशाच्या 763 लोकांनी आपला जीव गमावला
पटेल यांचे हे वक्तव्य अशा वेळी आले आहे जेव्हा की ब्रिटनमध्ये दररोज मृतांची संख्या वाढत आहे आणि चार जुलैपासून हा लॉकडाऊन घालण्याची तयारी सुरू आहे. याअंतर्गत बार, रेस्टॉरंट्स आणि सिनेमा लोकांसाठी खुले केले जातील. यावेळी कोविड -१९ च्या नियमांचे काटेकोरपणे पालन करण्याच्या सूचना देण्यात आल्या आहेत. दरम्यान, एनएचएस इंग्लंडच्या ताज्या आकडेवारीनुसार कोविड -१९ मुळे येथे आतापर्यंत भारतीय वंशाच्या 763 जणांना आपला जीव गमवावा लागला आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.