“देशाच्या एकूण निर्यातीत वाढ होण्यासाठी रत्ने व दागिने उद्योगाचे महत्त्वपूर्ण योगदान,म्हणूनच या क्षेत्रात 100% FDI ला दिली परवानगी”-केंद्र

मुंबई । वाणिज्य व उद्योग राज्यमंत्री हरदीप सिंग पुरी (Hardeep Sing Puri) म्हणाले की,”परकीय चलन मिळविण्यात भारताच्या रत्ने व दागिने उद्योगाचे (Gems and Jewelry Industry) महत्त्वपूर्ण योगदान आहे. अशा परिस्थितीत केंद्र सरकार जेम्स अँड ज्वेलरी इंडस्ट्रीकडे निर्यातीस (Export) चालना देण्याच्या प्रचंड संभाव्यतेचे क्षेत्र म्हणून पहात आहे. यामुळे सरकारने या क्षेत्रात 100 टक्के थेट परकीय गुंतवणूकीला (FDI) परवानगी दिली आहे.

केंद्रीय मंत्री पुरी म्हणाले की,”देशातून दरवर्षी 35 अब्ज डॉलर्स किंमतीच्या रत्ने व दागिन्यांची निर्यात होते. भारत जगातील सर्वात मोठा निर्यातदार देश आहे आणि अमेरिका, हाँगकाँग, चीन, मध्य पूर्व, रशिया यासारख्या अव्वल बाजाराच्या मागणीची पूर्तता करतो.” जेम्स अँड एक्सपोर्ट प्रमोशन कौन्सिल (GJEPC) आयोजित पाच दिवसीय आंतरराष्ट्रीय रत्ने व दागिन्यांच्या प्रदर्शनाच्या उद्घाटनप्रसंगी ते म्हणाले की, “हा व्यापार मेळा योग्य वेळी आयोजित केला जात आहे. कोविड -१९ लस (Coronavirus Vaccine) येताच सर्व प्रमुख बाजारामध्ये रत्ने व दागिन्यांची मागणी (Demand of Gems and Jewelry) पुन्हा वाढू लागली आहे.”

निर्यात 75 अब्ज डॉलर्सपर्यंत पोहोचण्याचे GJEPC चे उद्दीष्ट आहे
जीजेईपीसीचे अध्यक्ष कॉलिन शहा म्हणाले की,” भारत पन्ना आणि मॉर्गनाइटसाठी एक प्रमुख उत्पादन केंद्र म्हणून उदयास आला आहे. गेल्या काही वर्षांत GJEPC ला चांदीची मोठी मागणी (Demand of Silver) ही पाहायला मिळाली.” ते म्हणाले की,”परिषदेने पुढील काही वर्षांत रत्ने व दागिन्यांची निर्यात 35 अब्ज डॉलर्सवरून 75 अब्ज डॉलर्सपर्यंत वाढवण्याचे लक्ष्य ठेवले आहे.”

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

You might also like