नवी दिल्ली । केंद्र सरकार लवकरच आपल्या कर्मचाऱ्यांना मोठा दिलासा देणार आहे. 8 महिन्यांपासून थकबाकी असलेल्या कर्मचाऱ्यांच्या महागाई भत्त्याबाबत सरकार लवकरच निर्णय घेऊ शकते, असे मानले जात आहे. एका वृत्तानुसार पुढील कॅबिनेट बैठकीत यावर चर्चा होऊ शकेल. केंद्रीय कर्मचाऱ्यांच्या मिनिमम सॅलरीमध्येही वाढ होऊ शकते, असे मानले जात आहे. कर्मचाऱ्यांची मिनिमम बेसिक सॅलरी 18 हजार रुपयांऐवजी 26 हजार रुपये असू शकते.
खरे तर, नॅशनल कौन्सिल ऑफ जॉइंट कन्सल्टेटिव्ह मशिनरी (जेसीएम) ने मागणी केली आहे की, 18 महिन्यांपासून प्रलंबित असलेल्या डीए थकबाकीचाही सातव्या वेतनश्रेणीनुसार वन टाइम सेटलमेंट करण्यात यावी. या संदर्भात, जेसीएम, डिपार्टमेंट ऑफ पर्सनल अँड ट्रेंनिग आणि अर्थ मंत्रालय यांच्यात थकबाकीवर चर्चा झाली आहे. केंद्र सरकारकडून कर्मचाऱ्यांना दिल्या जाणाऱ्या महागाई भत्त्यात वाढ होण्याची शक्यता व्यक्त केली जात आहे. मात्र, त्यात किती वाढ होईल आणि कधी जाहीर होईल, हे सांगणे कठीण आहे.
महागाई भत्ता 3 टक्क्यांनी वाढू शकतो
असे मानले जात आहे की, महागाई भत्ता 31 टक्क्यांवरून 34 टक्क्यांपर्यंत वाढू शकतो. याशिवाय, 2022 च्या अर्थसंकल्पात देखील फिटमेंट फॅक्टर देखील ठरवले जाण्याची अपेक्षा आहे. मंत्रिमंडळाची मंजुरी मिळाल्यानंतर त्याचा अर्थसंकल्पीय खर्चात समावेश केला जाईल. केंद्रीय कर्मचार्‍यांचे सॅलरी वाढवण्यासाठी फक्त फिटमेंट फॅक्टरचा वापर केला जातो. केंद्र सरकारने फिटमेंट फॅक्टर वाढवल्यास कर्मचाऱ्यांची मिनिमम बेसिक सॅलरी 26,000 पर्यंत वाढू शकते. अर्थसंकल्पापूर्वी मंत्रिमंडळाची मंजुरी मिळाल्यास त्याची अंमलबजावणी अर्थसंकल्पापूर्वी होण्याची शक्यता आहे.
फिटमेंट फॅक्टर वाढवण्याची मागणी अनेक दिवसांपासून होत आहे
केंद्र आणि राज्य कर्मचार्‍यांची अनेक दिवसांपासूनची मागणी आहे की, त्यांचा फिटमेंट फॅक्टर 2.57 टक्क्यांवरून 3.68 टक्के करण्यात यावा. केंद्रीय कर्मचाऱ्यांच्या फिटमेंट फॅक्टरबाबत सरकार विचार करू शकते, असे सांगण्यात येत आहे. केंद्रीय कर्मचाऱ्यांच्या फिटमेंट फॅक्टरला केंद्रीय मंत्रिमंडळाकडून मंजुरी मिळू शकते. मंत्रिमंडळाच्या मंजुरीनंतर त्याचा खर्चात समावेश करता येईल.
सर्व भत्ते वाढतील ?
जर बेसिक सॅलरी 18,000 रुपयांवरून 26,000 रुपयांपर्यंत वाढली तर महागाई भत्ताही वाढेल. महागाई भत्ता बेसिक सॅलरीच्या 31 टक्के इतका आहे. DA ची गणना बेसिक सॅलरीच्या DA दराने गुणाकार करून केली जाते. म्हणजेच बेसिक सॅलरीमध्ये वाढ झाल्यामुळे महागाई भत्ता आपोआप वाढेल. केंद्रातील 47.14 लाख कर्मचारी आणि 68.62 लाख पेन्शनधारकांना सरकारच्या या निर्णयाचा लाभ मिळणार आहे.
DA काय आहे माहित आहे?
7 व्या वेतन आयोगाअंतर्गत, महागाई भत्ता हा कर्मचाऱ्यांच्या बेसिक सॅलरीचा निश्चित भाग असतो. देशातील महागाईचा प्रभाव कमी करण्यासाठी सरकार आपल्या कर्मचाऱ्यांना महागाई भत्ता देते. हे वेळोवेळी वाढवले जाते. पेन्शनधारकांना हा लाभ महागाई रिलीफ (DR) स्वरूपात मिळतो.