हॅलो महाराष्ट्र ऑनलाईन | आपल्या देशाचे माजी पंतप्रधान मनमोहन सिंग यांचे गुरुवारी म्हणजेच 26 डिसेंबर रोजी 92 व्या वर्षी निधन झालेले आहे. त्यांच्या निधनाने संपूर्ण देशात शोककळा पसरलेली आहे. तसेच देशात सात दिवसांचा राष्ट्रीय दुखवटा देखील राबवण्यात आलेला आहे. आता मनमोहन सिंग यांचे स्वतंत्र स्मारक उभारावे अशी मागणी आता काँग्रेस नेत्यांकडून केली जात आहे. काँग्रेसचे अध्यक्ष मल्लिकार्जुन खरगे यांनी पंतप्रधान नरेंद्र मोदी यांना पत्र लिहून त्यांच्या पार्थिवावर अंत्यसंस्कारासाठी 28 डिसेंबर रोजी स्मारकासाठी जागा मागितलेली आहे. त्यामुळे आता मनमोहन सिंग यांच्या नावाने स्मारक बांधले जाणार आहे. आणि कॅबिनेटमध्ये झालेल्या बैठकीच्या संदर्भात निर्णय देखील घेण्यात आलेला आहे.
माजी पंतप्रधान मनमोहन सिंग यांच्या पार्थिवावर शनिवारी म्हणजेच आज दिनांक 28 डिसेंबर रोजी दिल्लीतील निगमबोध घाटावर अंत्यसंस्कार होणार आहेत. परंतु काँग्रेसच्या नेत्यांनी याबद्दल नाराजी व्यक्त केलेली आहे. देशाच्या माजी पंतप्रधानांचे स्मारक बांधण्यासाठी सरकारला जागा देखील मिळू शकली नाही. या देशातील पहिल्या शीख पंतप्रधानांचा अपमान असल्याचे देखील काँग्रेस नेत्यांनी म्हटलेले आहे. मनमोहन सिंग यांच्यावर अंत्यसंस्कार होणार असलेल्या ठिकाणी स्मारक उभारणी द्यावे, अशी मागणी काँग्रेसचे अध्यक्ष मल्लिकार्जुन खरगे यांनी केंद्र सरकारकडे केलेली होती. यानंतर केंद्र सरकारने देखील स्मारक बांधण्याचा निर्णय घेतला आहे. याबद्दल गृह मंत्रालयाच्या वतीने प्रसिद्ध पत्रक जाहीर केले आहे.
आज सकाळी 8 वाजता मनमोहन सिंग यांचे पार्थिव काँग्रेसच्या कार्यालयात ठेवण्यात आलेले होते. त्या ठिकाणी साडेआठ ते साडेनऊ या दरम्यान त्यांच्या पाठीवरचे अंत्यदर्शन घेता येणार होते. आणि त्यानंतर मनमोहन सिंग यांच्या पार्थिवावर नवी दिल्ली या ठिकाणी अंत्यसंस्कार होणार आहेत. जाहीर केलेल्या प्रसिद्ध पत्रकानुसर मनमोहन सिंग यांच्या पार्थिवावर अंत्य संस्कार करून घेतले जावेत. त्यानंतर विश्वस्त मंडळ स्थापन करावे लागेल आहे. या विश्वस्त मंडळाची स्थापना झाल्यावर मनमोहन सिंग यांचे स्मृती स्थळ उभारले जाईल अशी माहिती सांगण्यात आलेली आहे.
