हॅलो महाराष्ट्र ऑनलाईन| पंतप्रधान नरेंद्र मोदी (Narendra Modi) यांच्या नेतृत्वाखालील केंद्र सरकारने मागासवर्गीय महिलांसाठी एक महत्त्वपूर्ण योजना आणली आहे. या योजनेचे नाव आहे ‘स्वर्णिमा योजना’(Swarnima Yojana). या योजनेअंतर्गत सरकार मागासवर्गीय महिलांना स्वावलंबन आणि आर्थिक स्थैर्य मिळवण्यासाठी आर्थिक मदत करत आहे. या योजनेच्या मदतीनेच अनेक महिलांनी विविध व्यवसाय सुरू केले आहेत.
योजनेची वैशिष्ट्ये काय?
- मागासवर्गीय महिलांसाठी २ लाखांपर्यंतचे कर्ज फक्त ५% वार्षिक व्याजदराने उपलब्ध.
- कोणतीही भांडवली गुंतवणूक न करता स्वयंरोजगार सुरू करण्याची संधी.
- राष्ट्रीय मागासवर्गीय वित्त आणि विकास महामंडळामार्फत (NSFDC) योजना राबवली जात आहे.
- ही योजना ‘आत्मनिर्भर भारत’ आणि ‘स्टार्टअप इंडिया’ उपक्रमांना पूरक ठरणार आहे.
महिलांसाठी फायदे कोणते?
१) अत्यंत कमी व्याजदर: केवळ ५% व्याजदरामुळे परवडणारी कर्जसुविधा.
२) व्यवसायाला गती: महिलांना आर्थिक मदतीसह व्यवसाय सुरू करण्याचा आत्मविश्वास मिळेल.
३) सशक्तीकरणाला चालना: आर्थिकदृष्ट्या दुर्बल गटातील महिलांसाठी मोठी संधी.
कोण अर्ज करू शकते?
- अर्जदार भारतीय महिला असावी.
- वय १८ ते ५५ वर्षांदरम्यान असावे.
- महिला स्वयंरोजगार किंवा उद्योग सुरू करण्यास इच्छुक असावी.
- वार्षिक कौटुंबिक उत्पन्न ३ लाखांपेक्षा कमी असावे.
अर्ज कसा करावा?
या योजनेसाठी अर्ज राज्य वाहिनीकृत एजन्सी (SCA) च्या कार्यालयात जाऊन भरावा.
येथे व्यवसाय संकल्पना, गरज आणि आवश्यक प्रशिक्षण यासंदर्भात माहिती द्यावी.
- अर्जासोबत आवश्यक कागदपत्रे संलग्न करून SCA कार्यालयात सादर करावा.
अर्जासाठी आवश्यक कागदपत्रे कोणती?
आधार कार्ड
शिधापत्रिका (Ration Card)
रहिवासी प्रमाणपत्र
जात प्रमाणपत्र (आरक्षित प्रवर्गासाठी)
पासपोर्ट साईज फोटो
दरम्यान, ‘स्वर्णिमा योजना’ ही मागासवर्गीय महिलांसाठी स्वतंत्र व्यवसाय सुरू करण्याची उत्तम संधी आहे. कमी व्याजदर आणि सरकारी पाठबळामुळे महिला सहस त्यांचा नवीन व्यवसाय सुरू करू शकतात. त्यामुळे इच्छुक महिलांनी लवकरात लवकर अर्ज करून या संधीचा लाभ घ्यावा.
