नवी दिल्ली । भारतीय रेल्वे ऑफर फॉर सेल (OFS) मार्फत केटरिंग अँड टुरिझम कॉर्पोरेशन (IRCTC) या कंपनीतील आपला 15 टक्क्यांपर्यंतचा हिस्सा विकण्याची तयारी करत आहे. सरकार ऑफर ऑफ सेल (OFS) द्वारे कंपनीमधील आपले 2.4 कोटी शेअर्सची विक्री करेल. ग्राहकांना आजपासून म्हणजेच गुरुवारपासून स्वस्तात शेअर्सची खरेदी करण्याची संधी आहे. तर तुम्हीही आयआरसीटीसीचे शेअर्स खरेदी करुन सहजपणे भरपूर नफा कमावू शकता.
शेअर किंमत किती आहे
विक्रीच्या ऑफरसाठी 1,367 रुपयांची फ्लोअर प्राइस ठेवली गेली आहे. बुधवारी व्यवसाय बंद होताना आयआरसीटीसीचे शेअर्स 1,618.05 रुपयांवर बंद झाले.
किती सूट मिळेल
केंद्राने निश्चित केलेली फ्लोअर प्राइस बुधवारी आयआरसीटीसीच्या बंद किंमतीपेक्षा 16 टक्के कमी आहे, म्हणजेच गुंतवणूकदारांना 16 टक्के सवलतीच्या किंमतीसह (Discount Price) गुंतवणूक करण्याची संधी मिळेल. बुधवारी कंपनीचे शेअर्स 1618.05 रुपये किंमतीवर बंद झाले. फेब्रुवारी 2020 मध्ये कंपनीचे स्टॉक 1995 च्या 52 आठवड्यांच्या शिखरावर गेले. यानंतर, मार्चमध्ये ते घसरून 74.85 रुपयांवर आले.
आयआरसीटीसीचा IPO कधी लाँच झाला
आयआरसीटीसीने ऑक्टोबर 2019 मध्ये आपला IPO सुरू केला. ज्यास गुंतवणूकदारांकडून प्रचंड प्रतिसाद मिळाला. या IPO मार्फत सरकारने सुमारे 645 कोटी रुपये जमा केले आणि 12.60 टक्के शेअर्स विकले.
सरकारकडे किती हिस्सा आहे
आयआरसीटीसीमधील सरकारची एकूण हिस्सेदारी 87.40 टक्के आहे. सेबीच्या नियमांनुसार सरकारने आपला हिस्सा कमी करुन 75 टक्के केला आहे. आयआरसीटीसी ऑक्टोबर 2019 मध्ये लिस्ट करण्यात आली होती आणि IPO द्वारे त्यांनी 645 कोटी रुपये जमा केले.
ऑफर फॉर सेल काय आहे?
ऑफर फॉर सेल शेअर्सची विक्री करण्याचा मार्ग आहे. याद्वारे लिस्टेड कंपन्यांचे प्रमोटर्स सहजपणे शेअर्स इश्यू करण्याचा मार्ग देतात. हा विषय केवळ सध्याच्या शेअर धारकांमध्ये जारी केला जातो.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.