औरंगाबाद – जिल्ह्यातील खुलताबाद आणि वेरुळ या धार्मिक स्थळांना श्रावणमासा निमित्ताने मोठं संख्येने भाविक दर्शनासाठी जातात. यावर्षी मात्र कोरोनामुळे धार्मिक स्थळे बंद असली तरी भाविक जातीलच अशी शक्यता असल्याने पोलिसांनी शनिवार व सोमवारी या मार्गावरील जड वाहतूक वळविण्यात आली आहे.
• खालील पर्यायी मार्गाचा वापर करावा –
– औरंगाबादहून कन्नड, धुळ्याकडे जाणारी सर्व जड वाहने दौलताबाद टी पॉइंट, माळीवाडा, आनंद धाबा, कसाबखेडा फाटामार्गे वेरुळ कन्नडकडे जातील.
– कन्नडकडून येणारी जड वाहने वेरुळ-कसाबखेडा फाटा- माळीवाडा मार्गे औरंगाबादकडे येतील.- फुलंब्रीमार्गे खुलताबाद, कन्नडकडे जाणारी सर्व जड वाहने औरंगाबाद- कसाबखेडा फाटा, वेरुळ मार्गे कन्नड कडे जातील.
– वेरूळ खुलताबाद फुलंब्री कडे जाणारी वाहने वेरूळ कसाबखेडा फाटा माळीवाडा मार्ग औरंगाबाद कडे जातील.
खालील रस्त्यांवर वाहतूक बंद –
श्रावण महिन्याच्या प्रत्येक शुक्रवारी रात्री आठ वाजेपासून ते मंगळवारी सकाळी आठ वाजेपर्यंत वरील मार्गांवर जाणारी सर्व अवजड वाहतूक दौलताबाद टी पॉइंट पासून वेरूळ पर्यंत व फुलंब्री ते खुलताबाद पर्यंत भाविकांच्या सुरक्षिततेच्या दृष्टीने बंद ठेवण्यात येणार असल्याचे औरंगाबाद ग्रामीण वाहतूक पोलिसांनी कळविले आहे.