नवी दिल्ली । आता भारतातील एअरलाईन्स 65 टक्के प्रवासी क्षमतेसह उड्डाण करु शकतील. नागरी उड्डयन मंत्रालयाने कोविड 19 च्या दुसर्‍या लाटे दरम्यान प्रवासी क्षमता 50 टक्क्यांवरून 65 टक्क्यांपर्यंत वाढवण्याचा निर्णय घेतला आहे. येथे हे लक्षात घ्या कि, स्थानिक विमान कंपन्यांना कमी वाहतुकीमुळे ज्या समस्यांना तोंड द्यावे लागत आहे, त्याबाबत नागरी उड्डयन मंत्रालयाने त्यांचे प्रस्ताव सादर करण्यास सांगितले होते.
रविवारी हे उघड झाले की, नागरी उड्डयन मंत्रालय, नागरी उड्डयन महासंचालनालय आणि विमानतळ प्राधिकरणाचे भारतीय अधिकारी या आठवड्यात प्रवाशांच्या क्षमता वाढीबाबत चर्चा करू शकतील. कोविड -19 च्या दुसर्‍या लाटेच्या पार्श्वभूमीवर अनेक राज्यांनी लॉकडाऊन आणि प्रवासी निर्बंध घातले होते ज्यामुळे वाहतुकीत लक्षणीय घट झाली होती. आता ते निर्बंध शिथिल झाल्याने सलग पाचव्या आठवड्यात हवाई वाहतुकीत वाढ झाली आहे.
3 जुलै रोजी 1,436 फ्लाइट्स ने उड्डाण केले
नागरी उड्डयन मंत्रालयाच्या आकडेवारीनुसार, 3 जुलै रोजी देशभरातील 1,436 विमानांमध्ये 1,58,623 प्रवाशांनी उड्डाण केले. गेल्या वर्षी 25 मेपासून विमानतळ ऑपरेशन पुन्हा सुरू झाल्यानंतर स्थानिक प्रवासी वाहतुकीत स्थिर स्थिती होती. फेब्रुवारीमध्ये मागील वर्षाच्या पातळीच्या 64 टक्के पातळी गाठली गेली होती, परंतु एप्रिल महिन्यात ते महिन्यात 28 टक्क्यांनी घटून 1.79 लाखांवर आली आहे. 1 मे ते 16 मे या कालावधीत एप्रिलच्या सरासरीच्या तुलनेत 56 टक्क्यांनी घट झाली.
1 जून रोजी क्षमता 50% करण्यात आली
1 जूनपासून सरकारने कोविडपूर्व पातळीची क्षमता मर्यादा 80% वरून 50% केली होती. एव्हिएशन टर्बाइन इंधनात (aviation turbine fuel) वाढ झाल्यामुळे, विमानाच्या भाड्याची वरची मर्यादादेखील सुमारे 14 टक्क्यांनी वाढली आहे. नियमांमध्ये शिथिलता (post relaxation in norms) आल्यानंतर प्रवाशांच्या संख्येत हळूहळू पण स्थिर वाढ दिसून येत आहे. मुंबई, पटना, बेंगलुरू, पुणे, हैदराबाद, लेह, चेन्नई, अहमदाबाद, कोलकाता आणि जम्मू-काश्मीर मे आणि जून या कालावधीत दिल्लीहून टॉप 10 ठिकाण ठरली आहेत.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा