पुणे : हॅलो महाराष्ट्र – पुणेमध्ये एक धक्कादायक घटना घडली आहे. यामध्ये कंपनीतील HRने विवाहित असल्याची माहिती लपवून ठेवत कंपनीत काम करणाऱ्या तरुणीवर वारंवार बलात्कार केला आहे. या आरोपीने लग्नाचे आमिष देऊन या तरुणीवर वारंवार बलात्कार केला आहे. यानंतर या तरुणीने लग्नाबाबत विचारणा केली असता, आरोपीनं तिला धमकी देण्यास सुरुवात केली. यानंतर पीडित तरुणीने हडपसर पोलीस ठाण्यात आरोपी तरुणाविरुद्ध गुन्हा दाखल केला आहे. हडपसर पोलीस या प्रकरणाचा पुढील तपास करत आहेत.
आरोपीचे नाव नीलेश अरविंद मोरे असे आहे. तो पुण्यातील हडपसर परिसरात वास्तव्याला आहे. पण तो मुळचा बारामती तालुक्यातील सोनवडी सुपे या ठिकाणचा रहिवाशी आहे. या प्रकरणी पीडित तरुणीने हडपसर पोलीस ठाण्यात फिर्याद दाखल केली आहे. हि पीडित तरुणी शिक्षण सुरू असतानाच, इव्हेंट मॅनेजमेंटचं काम करत होती. या दरम्यान तिची ओळख आरोपी नीलेश मोरे याच्याशी झाली. आरोपी मोरे हा पुण्यातील एका कंपनीत HR म्हणून काम करतो.
यानंतर या आरोपीने संबंधित कंपनीत नोकरी मिळवून देण्याच्या आमिषानं पीडितेवर बलात्कार केला आहे. आरोपीने लग्नाचं आमिष दाखवून वेळोवेळी पीडितेच्या इच्छाविरुद्ध लैंगिक संबंध प्रस्थापित केले. यानंतर पीडितेने आरोपीकडे लग्नाची विचारणा केली असता, त्यानं पीडितेसोबत बोलण्यास टाळाटाळ केली व तिला धमकावण्यास सुरुवात केली. या आरोपीने लग्न झालं असूनही त्यानं अविवाहित असल्याची खोटी माहिती सांगत पीडितेचं लैंगिक शोषण केलं. यानंतर आपली फसवणूक झाल्याचे पीडितेच्या लक्षात आल्यानंतर पीडितेनं हडपसर पोलीस ठाण्यात धाव घेत फिर्याद दाखल केली आहे.