हॅलो महाराष्ट्र ऑनलाईन । कोरोना विषाणूच्या माध्यमातून संपूर्ण मानवतेला धोक्यात आणल्याच्या आरोपावरून चीनविरूद्ध अमेरिकेत पहिला दावा दाखल करण्यात आला आहे. याप्रकरणी चीनविरूद्ध कायद्याचा आधार घेणारे मिसुरी हे अमेरिकेतील पहिले राज्य ठरले आहे.या खटल्यात चीनने कोरोना विषाणूची जाणीवपूर्वक माहिती लपवून ठेवली,याबाबत सतर्क करणाऱ्यांना अटक केली आणि हा आजार संसर्गजन्य असल्याची शक्यता नाकारल्याचा आरोप करण्यात आला आणि त्यामुळे संपूर्ण जगाचे इतके नुकसान झाले आहे ते पुन्हा भरता येणार नाही आहे.
चीन विरुद्ध कोरोनाचा पहिला खटला
अटर्नी जनरल एरिक स्मिथ यांनी अमेरिकन राज्य मिसुरीच्या जिल्हा न्यायालयात चिनी सरकार, सत्ताधारी कम्युनिस्ट पार्टी आणि काही चिनी अधिकारी आणि संस्थांविरूद्ध खटला दाखल केला. आरोपांनुसार, कोरोना विषाणूची लागण होण्यास सुरवात झाली तेव्हा, चीनने पूर्वीच्या सर्वात महत्वाच्या आठवड्यात जनतेचा विश्वासघात केला आणि आवश्यक ती माहिती दडवून ठेवली आणि याबद्दल सतर्क करणाऱ्यांनाच अटक केली,त्याचे माणसांमधून माणसांमध्ये संसर्ग पसरण्याची शक्यता नाकारली,अत्यंत महत्वाच्या मेडिकल रिसर्चचा नाश केला,कोट्यवधी लोकांना विषाणूची संसर्ग होऊ दिला आणि इथपर्यंतच नाही तर खासगी सुरक्षा साहित्य (PPE) यांचीदेखील साठवणूक करून ठेवली होती, ज्यामुळे हे प्रतिबंधित केले जाऊ शकत होती परंतु त्यांनी हा जागतिक साथीचा रोग पसरू दिला.
चीनने जगाला मुद्दाम संकटात टाकले
‘कोविड -१९’ ने जगभरातील देशांचे इतके नुकसान केले आहे की त्याची परतफेड आता करता येणार नाही, असा आरोप इरिक स्मिथ यांनी चीनवर केला आहे. यामुळे रोग पसरला,लोकांचे मृत्यू झाले,अर्थव्यवस्था कोलमडून गेली आणि माणूस संकटात सापडला आहे.मिसुरीमध्ये या विषाणूचा परिणाम अगदी वास्तविक आहे – हजारो लोक यामुळे संक्रमित झाले आहेत आणि बरेच लोक मरण पावले आहेत,कुटुंबांना लांब ठेवावे लागले आहे,छोटी दुकाने बंद आहेत आणि जी लोक कमावून खातात त्यांना दोन वेळच्या ब्रेडसाठी संघर्ष करावा लागतो आहे.कोविड -१९ आणि त्याच्या संक्रामक प्रवृत्तीबद्दल चीनचे सरकारजगासमोर खोटे बोलले,त्यांनी केलेल्या या कृत्याबद्दल त्यांनाच जबाबदार धरले पाहिजे. ‘
एका व्यक्तीकडून दुसऱ्या व्यक्तीकडे पसरण्याविषयी माहिती होती,परंतु शांत राहिले
या प्रकरणात असा दावा केला गेला आहे की गेल्या वर्षी डिसेंबरच्या अखेरीस चीनच्या आरोग्य विभागाच्या अधिकाऱ्यांकडून कोरोना विषाणू हा एका मनुष्यापासून दुसऱ्या माणसापर्यंत पसरल्याचा सबळ पुरावा सापडला होता. असे असूनही त्यांनी जागतिक आरोग्य संघटनेला ३१ डिसेंबरपूर्वी त्याचा उद्रेक होण्याविषयीची माहितीदेखील दिलेली नाही.इतकेच नाही तर त्यांनी डब्ल्यूएचओलाही या संसर्गाची माहिती दिली त्यावेळीसुद्धा त्याचा प्रसार मानवाकडून माणसापर्यंत होतोय हि गोष्ट त्यांनी लपवून ठेवली.म्हणजेच कोरोना विषाणूच्या धोक्याबद्दल पूर्णपणे माहिती असूनही चीनने हा संसर्ग रोखण्यासाठी काहीही केलेले नाही.न्यूयॉर्क टाइम्सने गोळा केलेल्या आकडेवारीनुसार, यावर्षी १ जानेवारीला १,७५,००० लोकांनी नवीन वर्ष साजरे करण्यासाठी प्रवास करण्यासाठी वुहान सोडले.चीनी सरकारला या संसर्गाच्या जोखमीबद्दल सर्व माहिती असूनही नवीन वर्ष साजरा करणे त्यांनी थांबवले नाही.
अमेरिका संकटातून मुक्त होण्याची वाट पाहत आहे
अमेरिकेचे सिनेट सदस्य आणि बुद्धिमत्ता विषयक सिनेट निवड समितीचे सदस्य बेन ससे यांनी या खटल्याचे स्वागत केले. ते म्हणाले, “अध्यक्ष शी यांनी डॉक्टरांचे भाषण थांबवले, महत्त्वपूर्ण वैज्ञानिक डेटा लपविला, आरोग्य अधिकाऱ्यांना फेब्रुवारीच्या मध्यापर्यंत जाण्यापासून रोखले, त्यांनी युरोपला पाठविलेली उपकरणे निरुपयोगी होते आणि त्यांनी अमेरिकेलाही दोषी ठरवले आहे.” जेव्हा अमेरिकन लोक या धोकादायक विषाणूचा पराभव करतील,तेव्हा आम्ही चिनी सरकारला त्यासाठी जबाबदार धरणार आहोत.
चीन हे आरोप फेटाळत आहे
अमेरिकेचे राष्ट्राध्यक्ष डोनाल्ड ट्रम्प यांनी गेल्या शनिवारी असा इशारा दिला होता की जाणीवपूर्वक कोरोना विषाणूचा प्रसार केल्याचे सिद्ध झाल्यास चीनला त्याचे गंभीर परिणाम भोगावे लागतील. तथापि चीनने सातत्याने काहीही लपविण्यास नकार दिला आहे. अमेरिकेत कोरोना विषाणूमुळे ४५ हजाराहून अधिक लोकांचा बळी गेला आहे, तर संसर्ग झालेल्यांची संख्या साडेआठ लाखांवर गेली आहे. तर, जगात संसर्ग झालेल्यांची संख्या २२ लाखांच्या पुढे गेली आहे आणि मृत्यूची संख्या दोन लाखांपेक्षा जास्त आहे.
काय आहे वटवाघूळ अन् कोरोनाचं कनेक्शन? ICMR चा हा रिपोर्ट वाचून बसेल धक्का#coronavirusindia #coronavirus #BAT #HelloMaharashtrahttps://t.co/9hFO0qZgo5
— Hello Maharashtra (@HelloMaharashtr) April 15, 2020
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.