नवी दिल्ली । भारतातील कोरोनाची सद्यस्थिती लक्षात घेता, जगातील सर्वात मोठी ऑनलाइन शॉपिंग कंपनी अ‍ॅमेझॉनने सध्या भारतात होणारा त्यांचा प्राइम डे सेल रद्द केला आहे. अनेक शहरांमध्ये, लॉकडाऊनमुळे अ‍ॅमेझॉन आधीच केवळ आवश्यक गोष्टीचा पुरवित होता. त्यात अनेक वस्तूंसाठी वेटिंग देखील होते.
अ‍ॅमेझॉननेही याची पुष्टी केली आहे. हा प्राइम डे सेल साधारणतः जुलैमध्ये दरवर्षी आयोजित केला जातो. या विक्रीमध्ये केवळ प्राइम मेंबर्सनाच खरेदी करण्याची परवानगी असते आणि त्यांना अनेक ऑफर्सही मिळतात. फास्ट शिपिंग व्यतिरिक्त, अ‍ॅमेझॉन प्राइम डे सेलमध्ये ग्राहकांना अनेक चांगल्या ऑफर्स मिळतात.
या कंपन्यांनी त्यांच्या कारच्या लॉन्चिंगची तारीख पुढे ढकलली
कार निर्मात्यानाही आपल्या नवीन कारचे लॉन्चिंग पुढे ढकलावे लागले. त्यापैकी मारुती सुझुकी सेलेरिओच्या नवीन व्हर्जनचे लॉन्चिंगही सध्याच्या साथीच्या आजारामुळे पुढे ढकलण्यात आले आहे. Skoda Auto India ने या महिन्यात आपली Fourth-generation Skoda Octavia बाजारात आणण्याची योजना आखली होती, परंतु साथीच्या रोगामुळे देशात वाढत्या निर्बंधांमुळे एप्रिलमध्ये होणाऱ्या या लॉन्चिंगची सुरुवात मेअखेर होण्याची शक्यता आहे. कोरियन ऑटोमेकर कंपनी ह्युंदाईनेही 29 एप्रिल 2021 रोजी आपली 7 सीटर Hyundai Alcazar भारतात सुरू करण्याचा निर्णय घेतला होता पण आता मेच्या अखेरीस ते बाजारात आणता येईल असे सांगितले जात आहे. मर्सिडीजच्या सेंकड जनरेशन Benz GLA आणि ऑडीची प्रीमियम इलेक्ट्रिक कार e-Tron वर देखील कोरोनाचे संकट आहे. या दोघांचे लाँचिंगही पुढे ढकलण्यात आली आहे.
रियलमीने लॉन्चिंग पुढे ढकलले आहे
स्मार्टफोन उत्पादक रियलमीनेही संसर्गाच्या वाढत्या घटनेच्या पार्श्वभूमीवर आगामी काही दिवसांसाठी त्यांचे लॉन्चिंग स्थगित केले आहे. 4 मे रोजी रियलमीचा इवेंट होणार होता, ज्यामध्ये Realme X7 Max लॉन्च होणार आहे. Realme GT Neo चे री-ब्रँडेड व्हर्जन असल्याचे सांगितले जात आहे. 4 मेच्या कार्यक्रमात रियलमी टीव्ही देखील लाँच होणार आहे. Realme इंडियाचे मुख्य कार्यकारी अधिकारी माधव सेठ यांनी वर्धापन दिन साजरा रद्द करण्यासाठी आणि आगामी कार्यक्रम पुढे ढकलण्याबाबत ट्विट केले आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा