मुंबई । राज्यातील करोनाबाधितांची संख्या वाढतच आहे. आज दिवसभरात ४४० नवे रुग्ण सापडले असून, १९ जणांचा मृत्यू झाला आहे. तर एकूण रुग्णसंख्या ८, ०६८ झाली आहे. तर आतापर्यंत ३४२ बाधित रुग्णांचा मृत्यू झाला आहे. आज राज्यात करोनाबाधित ४४० नवीन रुग्णांची नोंद झाली. यामुळे एकूण रुग्ण संख्या ८०६८ झाली आहे. आज ११२ रुग्णांना घरी सोडण्यात आले असून आतापर्यंत राज्यभरात ११८८ रुग्ण बरे झाले आहेत. तर एकूण ६५३८ रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी आज दिली.
आजपर्यंत पाठविण्यात आलेल्या १ लाख १६ हजार ३४५ नमुन्यांपैकी १ लाख ७ हजार ५१९ जणांचे प्रयोगशाळा नमुने करोनाकरता निगेटिव्ह आले आहेत, तर ८०६८ जण पॉझिटिव्ह आले आहेत. सध्या राज्यात १ लाख ३६ हजार ९२६ लोक होम क्वारंटाइनमध्ये असून, ९१६० लोक संस्थात्मक क्वारंटाइनमध्ये आहेत.
आज राज्यात १९ करोनाबाधित रुग्णांचा मृत्यू झाला आहे. राज्यात झालेल्या मृत्यूंची संख्या आता ३४२ झाली आहे. आज झालेल्या मृत्यूपैकी मुंबई येथील १२, पुणे महानगरपालिका येथे ३, जळगाव येथे २, सोलापूर शहरात १, तर लातूर येथे १ मृत्यू झाला आहे.
आज झालेल्या मृत्यूंपैकी ११ पुरुष तर ८ महिला आहेत. आज झालेल्या १९ मृत्यूपैकी ६० वर्षे किंवा त्यावरील ७ रुग्ण आहेत; तर १० रुग्ण हे वय वर्षे ४० ते ५९ या वयोगटातील आहेत. २ रुग्ण ४० वर्षांखालील आहेत. या १९ मृत्यूंपैकी ४ रुग्णांच्या इतर आजारांबाबत माहिती अद्याप मिळालेली नाही. उर्वरित १५ रुग्णांपैकी ११ जणांमध्ये (७३ टक्के) मधुमेह, उच्च रक्तदाब, हृदयरोग, क्षयरोग अशा स्वरुपाचे अतिजोखमीचे आजार आढळले आहेत.
मुंबई महानगरपालिका: ५ हजार ४०७ (२०४)
ठाणे: ७३८ (१४)
पालघर: १४१ (४)
रायगड: ५७ (१)
मुंबई मंडळ
एकूण: ६ हजार ३४३ (२२३)
नाशिक: १३१ (१२)
अहमदनगर: ३६ (२)
धुळे: २५ (३)
जळगाव: १९ (४)
नंदूरबार: ११ (१)
नाशिक मंडळ
एकूण: २२२ (२२)
पुणे: १०५२ (७६)
सोलापूर: ४७ (५)
सातारा: २९ (२)
पुणे मंडळ
एकूण: १ हजार १२८ (८३)
कोल्हापूर: १०
सांगली: २७ (१)
सिंधुदुर्ग: १
रत्नागिरी: ८ (१)
कोल्हापूर मंडळ, एकूण: ४६ (२)
औरंगाबाद: ५० (५)
जालना: २
हिंगोली: ८
परभणी: १
औरंगाबाद मंडळ, एकूण: ६१ (५)
लातूर: ९ (१)
उस्मानाबाद: ३
बीड: १
नांदेड: १
लातूर मंडळ, एकूण: १४ (१)
अकोला: २९ (१)
अमरावती: २० (१)
यवतमाळ: ४८
बुलढाणा: २१ (१)
वाशिम: १
अकोला मंडळ, एकूण: ११९ (३)
नागपूर: १०७ (१)
गोंदिया: १
चंद्रपूर: २
नागपूर मंडळ, एकूण: ११० (१)
इतर राज्ये: २५ (२). एकूण: ८ हजार ०६८ (३४२).