Tuesday, January 31, 2023

… म्हणून WHO ने दिला हायड्रॉक्सिक्लोरोक्वीनचा वापर थांबवण्याचा इशारा

- Advertisement -

वृत्तसंस्था । जागतिक आरोग्य संघटना म्हणजेच WHO ने मलेरियावर उपचार म्हणून वापरण्यात येणाऱ्या हायड्रॉक्सिक्लोरोक्वीनच्या गोळ्यांचा वापर Coronavirus कोरोनासाठीच्या उपचारांमध्ये करु नये असा इशारा दिला आहे. या औषधामुळे कोरोनावर प्रभावित परिणाम दिसून येता असा कोणताही पुरावा नसल्याचं म्हणत हा इशारा देण्यात आला आहे. आयसीएमआरकडूनही याला दुजोरा देण्यात आल्याचं कळत आहे.

हायड्रॉक्सिक्लोरोक्वीनच्या वापरामुळे कोरोना रुग्णांच्या हृदयावर परिणाम होत असल्याची माहिती समोर येत आहे. शिवाय त्यामुळे मृत्यूदारतही काही प्रमाणात वाढ झाल्याची माहिती समोर आली आहे. त्यामुळेच या औषधाचा वापर तातडीने थांबवण्याचा इशारा जागतिक आरोग्य संघटनेकडून देण्यात आला आहे. hydroxychloroquineची कार्यक्षमता आणि सुरक्षितता याबाबत महत्त्वाचे पुरावे हाती असणं तितकंच महत्त्वाचं असल्याची माहिती जागतिक आरोग्य संघटनेशी संलग्न संशोधक सौम्या स्वामीनाथन यांनी पत्रकार परिषदेदरम्यान दिली.

- Advertisement -

जागतिक आरोग्य संघटनेचे महासंचालक टेड्रोस अधनोम घेब्रेसियस यांनी सांगितले की, या औषधाच्या सॉलिडेरिटी ट्रायल अंतर्गत हायड्रोक्सिक्लोरोक्वीन औषधाच्या चाचणीवर तात्पुरती बंदी घालण्यात आली आहे. डेटा सेफ्टी मॉनिटरिंग बोर्ड या औषधाच्या वापराबाबत समिक्षा करण्यात येणार आहे. त्यानंतर या औषधाबाबत निर्णय घेण्यात येणार आहे. या औषधाचा वापर करोनाबाधितांच्या आरोग्यास घातक असल्याची चर्चा सुरू आहे. त्यामुळे सुरक्षेच्या दृष्टीने हा निर्णय घेण्यात आले असल्याचे बोलले जात आहे.

काही दिवसांपूर्वी ‘द लँसेंट’ या नियतकालिकेत प्रकाशित झालेल्या संशोधनानुसार हायड्रोक्सिक्लोरोक्वीनने उपचार करण्यात आलेल्या करोनाबाधितांच्या मृतांची संख्या अधिक असल्याचे आढळले होते. करोनाबाधितांच्या उपचारासाठी हायड्रोक्सिक्लोरोक्वीन औषधाच्या वापरासाठी अमेरिकेचे राष्ट्राध्यक्ष डोनाल्ड ट्रम्प आग्रही होते.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”