हॅलो महाराष्ट्र ऑनलाईन । सध्या भारतीय कर्णधार विराट कोहलीने आपल्या फलंदाजीने क्रिकेटमध्ये अनेक मोठे विक्रम नोंदवले आहेत. यामुळेच जगभरातील गोलंदाजांमध्ये त्याच्याविषयी एकप्रकारची भीती आहे. मात्र, पाकिस्तानचा एक १७ वर्षीय गोलंदाज नसीम शाह म्हणतो की, तो जगातील या पहिल्या क्रमांकाच्या फलंदाजाला अजिबात घाबरत नाही. पाकिस्तानच्या रावळपिंडीचा असणारा हा गोलंदाज कसोटी क्रिकेटमध्ये हॅटट्रिक घेणारा सर्वात तरुण गोलंदाज ठरला आहे.
नसीम कोहलीला घाबरत नाही
भारतीय संघाचा कर्णधार विराट कोहलीचा सामना करण्यास मी फार उत्सुक आहे आणि त्याची आतुरतेने वाट पाहत असल्याचे या पाकिस्तानी युवा गोलंदाजने सांगितले. तो म्हणाला, ‘अर्थातच भारत आणि पाकिस्तान यांच्यातील सामन्यात खेळणे हे खूप विशेष आहे. मला यापूर्वीच सांगितले गेले आहे की हा सामना एखाद्या खेळाडूला हिरो किंवा खलनायक बनवू शकतो. आता दोन्ही संघांमध्ये कमी सामने होत आहेत, अशा परिस्थितीत ते अधिकच विशेष बनते.
कोहलीविरूद्ध गोलंदाजी करण्याबद्दल बोलताना तो म्हणाला की, ‘मला आशा आहे की मी भारताविरुद्ध चांगली कामगिरी करीन आणि माझ्या चाहत्यांना मी निराश करणार नाही. मी कोहलीचा आदर करतो पण मला त्याची भीती वाटत नाही. जिथे आपण आपल्या खेळाची पातळी सुधारता तिथे सर्वोत्कृष्ट खेळाडू विरूद्ध चांगली कामगिरी करणे हे नेहमीच आव्हानात्मक असते. मी विराट कोहलीविरुद्ध खेळण्याची वाट पाहत आहे.
नसीमने गेल्या वर्षी पदार्पण केले होते
१७ वर्षीय नसीम शाहने गेल्या वर्षीच ऑस्ट्रेलियाविरुद्ध कसोटी सामन्यात पदार्पण केले होते. आपल्या पहिल्या कसोटी सामन्यात त्याने डेव्हिड वॉर्नरला बाद केले आणि या प्रकारात तो त्याचा पहिला बळी ठरला. बांगलादेशविरुद्धच्या पहिल्या कसोटी सामन्यात नसीम शाहने इतिहास रचला. नसीम शाह कसोटी सामन्यात हॅटट्रिक करणारा सर्वात तरुण गोलंदाज ठरला. नसीम शाहने वयाच्या १६ व्या वर्षी हा पराक्रम केला. कसोटीत हॅटट्रिक करणारा पाकिस्तानचा नसीम शाह हा चौथा गोलंदाज ठरला आहे. वसीम अक्रमने कसोटीत २ वेळा हॅटट्रिक केली आहे. त्यांच्याशिवाय अब्दुल रझाक आणि मोहम्मद सामी यांनीही कसोटीत हॅटट्रिक केली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.