cryptocurrency prices : बिटकॉइन पुन्हा 50 हजार डॉलर्सच्या जवळ

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । बुधवारीही क्रिप्टोकरन्सी मार्केटमध्ये तेजी पाहायला मिळत आहे. बिटकॉइनसह अनेक मोठ्या क्रिप्टोकरन्सी ग्रीन मार्कमध्ये ट्रेड करत आहेत. आज सकाळी 10 पैकी 9 डिजिटल करन्सी तेजीत दिसले. बिटकॉइन पुन्हा एकदा 50 हजार डॉलर्सच्या जवळ पोहोचला आहे.

त्याच वेळी, दुसरा मोठा क्रिप्टो असलेला इथेरियम सुमारे 4000 डॉलर्सवर आहे. आज एका बिटकॉइनची किंमत 49 हजार डॉलर्सच्या पुढे गेली आहे. जागतिक क्रिप्टो मार्केट कॅप मागील दिवसाच्या तुलनेत जवळपास 5 टक्क्यांनी वाढून 2.30 ट्रिलियन डॉलर्स झाली आहे. मात्र, या आठवड्यात क्रिप्टोकरन्सीमध्ये विक्री होत आहे. डिजिटल एसेट मॅनेजर CoinShares नुसार, गेल्या 17 आठवड्यांत पहिल्यांदाच क्रिप्टोकरन्सीची विक्री झाली आहे.

बिटकॉइनमध्ये प्रचंड अस्थिरता
11-17 डिसेंबर दरम्यान एका आठवड्यात गुंतवणूकदारांनी क्रिप्टोकरन्सीमधून विक्रमी 14. 2 कोटी डॉलर्स (सुमारे 1,0737 कोटी रुपये) काढले. यापूर्वी जून 2021 मध्ये 9.7 कोटी डॉलर्स काढण्यात आले होते. मंगळवारी, बिटकॉइनने गेल्या 24 तासांत 45,579.81 डॉलर्सचा नीचांक आणि 48,888.43 डॉलर्सचा उच्चांक केला. इथेरियमचा नीचांक 3,759.40 डॉलर्स आणि उच्च 4,050.32 डॉलर्स होता.

ओमिक्रॉनची वाढती प्रकरणे आणि वाढत्या महागाईमुळे जागतिक वित्तीय बाजारातील वाढत्या जोखमींमुळे बिटकॉइन गेल्या महिन्यात 69,000 डॉलर्सच्या उच्चांकावरून 46,000 डॉलर्सच्या नीचांकी पातळीवर आले. 17 डिसेंबरला संपलेल्या आठवड्यात बिटकॉइन-आधारित फंडांनी 8.9 कोटी डॉलर्स काढले.

Leave a Comment