हॅलो महाराष्ट्र ऑनलाईन। (Dangerous Stunt Video) सोशल मीडियावर प्रसिद्धीसाठी स्टंटबाजी करणे हे काही आता नवीन राहिलेले नाही. बरेच लोक जीवावर उदार होऊन वाट्टेल ते करताना दिसतात. कशासाठी? तर केवळ आणि केवळ रीलसाठी व प्रसिद्धीसाठी. यामध्ये बाईकवर स्टंटबाजी करणाऱ्यांची संख्या जरा जास्त आहे. बऱ्याच लोकांना बाईकवर जीवघेणे स्टंट करण्यात काही भलतीच मजा येते. त्यांना आपल्या जीवाची काडीभर चिंता नसते. सध्या असाच एक जीवाची पर्वा न करता स्टंट करणाऱ्या तरुणांचा व्हिडीओ व्हायरल होतो आहे. जो पाहून तुमच्या पायाखालची जमीन सरकेल.
व्हायरल व्हिडीओ (Dangerous Stunt Video)
सोशल मीडियावर अनेक व्हिडीओ व्हायरल होत असतात. त्यापैकी हा एक व्हिडीओ आहे. ज्यामध्ये आपण पाहू शकतो की, इथे बाईकस्वार तरुण आणि त्याच्या आसपास खूप लोक बसलेले आहेत. त्यांच्या मधोमध एक मुलगा दोन विटांच्या मध्यभागी डोके ठेवून पडला आहे. हा सगळा प्रकार सर्कशीतल्या खेळासारखा वाटतो आहे. पण ही सर्कस जीवाशी खेळ करणारी आहे. कारण, बाईकस्वर तरुण जमिनीवर पडलेल्या मुलाच्या दिशेने बाईक नेतो आणि त्याच्या डोक्यावरून बाईक पुढे सरकताना यात दिसत आहे. त्यावेळी डोक्यावरून बाईक गेल्याने हा मुलगा वेदनांनी कळवळून उठतो आणि हातांनी डोकं धरतो. हा व्हिडीओ पाहून त्या मुलाची कवटी फुटली असेल असेच वाटत आहे.
या व्हिडिओत पुढे दिसतंय की, डोकं धरून उठलेल्या मुळाजवळ एक लहान मुलगी आणि एक तरुण धावत येतात. तर बाईकस्वारदेखील क्षणभर थबकतो आणि घाबरलेला दिसतोय. या व्हिडिओत पुढे काय झाले ते दाखवलेले नाही. शिवाय ही घटना कुठली आहे? याबाबतदेखील काही माहिती दिलेली नाही. (Dangerous Stunt Video)मात्र हा व्हिडीओ सोशल मीडियावर तुफान व्हायरल होतो आहे. ज्यावर अनेक नेटकऱ्यांनी विविध प्रतिक्रिया दिल्याचे आपण पाहू शकतो. आतापर्यंत हा व्हिडीओ ३० लाखांपेक्षा जास्त लोकांनी पाहिला आहे.
नेटकरी भडकले
हा व्हायरल व्हिडीओ सोशल मीडिया इंस्टाग्राम हॅण्डल biki_sk83777 नावाच्या अकाउंटवरून शेअर करण्यात आला आहे. ज्यावर मोठ्या प्रमाणात युजर्सच्या कमेंटचा पाऊस पडला आहे. अनेकांनी यावर संताप दर्शवला आहे तर काहींनी चिंता व्यक्त केली आहे. (Dangerous Stunt Video)एकाने कमेंट करत लिहिलंय, ‘अरे भाऊ, लाइक्स आणि फेमस होण्यासाठी असला धोका पत्करू नका.. यामुळे तुमचा जीव जाऊ शकतो’. तर अन्य एकाने लिहिले, ‘असे नाटक करू नका. कुठेतरी दुकानात काम करा. म्हणजे मरायची गरज पडणार नाही’.