हॅलो महाराष्ट्र ऑनलाईन । दिल्लीतील लाल किल्ला मेट्रो स्टेशनबाहेर झालेल्या स्फोटामुळे (Delhi Bomb Blast Photos) संपूर्ण देशात खळबळ उडाली आहे. धावत्या कारमध्ये झालेल्या स्फोटात 9 जणांचा मृत्यू झाला असून, 30 जण जखमी झाले आहेत. या स्फोटाचे हादरवणारे फोटो समोर आले असून तुमचंही हृदय पिळवळून निघेल. दिल्ली स्फोटात तब्बल 32 गाड्यांच्या चिंधड्या उडाल्या, अनेकांचे हात-पाय गेले..९ जणांना जीव गमवावा लागला. संपूर्ण परिसरात नागरिकांमध्ये भीती आणि आक्रोश पाहायला मिळाला.
दिल्ली कार स्फोट हा इतका भीषण होता कि, मेट्रो स्टेशनच्या गेट आणि आजूबाजूच्या काचाही फुटल्या. जवळपास 32 गाड्यांच्या चिंधड्या उडाल्या. स्फोटानंतर आग भडकली व परिसरातील अनेक वाहनांनी पेट घेतला. यानंतर नागरिकांमध्ये मोठी खळबळ उडाली. सर्वत्र आक्रोश पाहायला मिळाला. Delhi Bomb Blast Photos
हा स्फोट म्हणजे दहशतवादी कट असल्याचा संशय व्यक्त केला जात आहे. त्यादृष्टीने तपास सुरू असतानाच आता एक धक्कादायक माहिती समोर येत आहे. लाल किल्ल्याजवळ ज्या कारमध्ये स्फोट झाला ती i20 कार होती. कारचा चालक डॉ. मोहम्मद उमर फरिदाबाद मॉड्यूलशी संबंधित असल्याचं सांगितलं जात आहे. फरीदाबाद मेडिकल कॉलेज दिल्लीतील स्फोटाच्या स्थळापासून अवघ्या तासाभराच्या अंतरावर आहे.
घटनास्थळावरून जप्त केलेल्या कारमध्ये सापडलेल्या मृतदेहाची डीएनए चाचणी करण्यात येणार आहे, जेणेकरून कारमधील व्यक्ती डॉ. उमर मोहम्मद आहे की नाही हे स्पष्ट होईल. यामागचे कारण म्हणजे गुप्तचर यंत्रणांना संशय आहे की डॉ. उमर मोहम्मद आय-२० कारमधील प्रवासी होता.
दिल्ली पोलिसांनी पार्किंगमध्ये गाडी येताना आणि जातानाचे सीसीटीव्ही फुटेज जप्त केले आहे. या फुटेजमध्ये संशयित एकटाच दिसत आहे. तीन तास तो कारमध्येच बसलेला होता. ज्यामध्ये त्याने काळा मास्क घातला आहे.
फरिदाबादमध्ये मोठ्या प्रमाणात अमोनियम नायट्रेट जप्त केल्याची माहिती मिळाल्यानंतर दिल्ली पोलिस आणि इतर एजन्सी डॉ. उमर मोहम्मद याचा शोध घेत होते. त्यामुळे घाईगडबडीत उमरने हा आत्मघातकी स्फोट घडवून तर आणला नाही ना? अशी शंका व्यक्त करण्यात येत आहे. Delhi Red Fort Blast
म्बस्फोटांच्या तपासात जम्मू आणि काश्मीरमधील तारिक आणि मोहम्मद उमर ही दोन नावं समोर आली आहेत. ज्या i20 कारमध्ये स्फोट झाला ती सलमान नावाच्या व्यक्तीचा होती. पोलिसांनी सलमानला ताब्यात घेतलं आणि चौकशीदरम्यान त्याने ती कार तारिक नावाच्या व्यक्तीला विकल्याचे उघड केलं. पोलिस तपासात ही कार तारिक नावाच्या व्यक्तीला विकल्याचे समोर आले आहे.
