औरंगाबाद – गंगापूर शहरातील क्रीडा संकुलाच्या कामावर 97 लाख रुपये खर्च करूनही अजून काम अपूर्णच आहेत क्रीडा संकुल समितीच्या बैठकीत क्रीडा संघटक व समितीच्या सदस्यांनी या बाबीकडे लक्ष गेल्यानंतर चौकशी करण्यासाठी समिती स्थापन केली.
या समितीने तातडीने क्रीडा संकुलाला भेट देऊन पाहणी केली. गंगापुर तालुका क्रीडा संकुलाची बैठक संकुल समितीचे अध्यक्ष आमदार प्रशांत बंब यांच्या दालनात झाली. बैठकीला क्रीडा संघटक व समितीचे सदस्य डॉ. बाबासाहेब शिरसाट जिल्हा, क्रीडा अधिकारी कविता नावंदे, प्रभारी तालुका क्रीडा अधिकारी चंद्रशेखर घुगे, सार्वजनिक बांधकाम विभागाचे शेळके तहसील कार्यालयाचे तेजनकर, नगर परिषदेचे व्यवहारे उपस्थित होते.
सार्वजनिक बांधकाम विभागाचे अभियंता शेळके यांनी संकुलाच्या सर्व बाबी पूर्ण झाले असे सांगितले. यावर आक्षेप घेऊन क्रीडा संघटक व समितीचे सदस्य डॉक्टर बाबासाहेब शिरसाट यांनी सर्व कामे अपूर्ण असून क्रीडा संकुलाचे बिकट अवस्था झाल्याचे सांगितले. त्यामुळे सत्य समोर करण्यासाठी अध्यक्ष आमदार बंब यांनी चौकशी समिती स्थापन केली आहे.
