हॅलो महाराष्ट्र ऑनलाईन । माजी गृहमंत्री अनिल देशमुख (Anil Deshmukh) हे पीएच्या माध्यमातून पैसे घ्यायचे असा खळबळजनक आरोप सचिन वाझे (Sachin Vaze) याने केल्यानंतर महाराष्ट्राच्या राजकारणात खळबळ उडाली. तसेच याबाबत आपण देवेंद्र फडणवीस याना पत्र लिहून संपूर्ण माहिती दिली आहे असेही त्याने म्हंटल होते. मात्र अनिल देशमुख यांनी तातडीने पत्रकार परिषद घेत हे सर्व आरोप फेटाळून लावले आहेत. तसेच सचिन वाझे जे काही बोलला ती एकप्रकारे देवेंद्र फडणवीस (Devendra Fadnavis) यांची चाल आहे अशा शब्दात अनिल देशमुख यांनी हल्लाबोल केला.
अनिल देशमुख म्हणाले, मी चार, पाच दिवसांपूर्वी देवेंद्र फडणवीस यांच्यावर आरोप केले होते आणि वस्तूस्थिती जनतेसमोर आणली होती. कि कशाप्रकारे देवेंद्र फडणवीस यांनी उद्धव ठाकरे आणि आदित्य ठाकरे यांना तुरुंगात टाकण्यासाठी कशा पद्धतीने मला प्रतिज्ञापत्र पाठवले होते. आणि माझ्यावर दबाव आणला होता हि परिस्थिती महाराष्ट्राच्या जनतेसमोर आणली. त्यानंतर फडणवीस यांनी नवीन चाल खेळली आहे. सचिन वाझे जे काही बोलला ते फडणवीसांची चाल आहे. देवेंद्र फडणवीस यांना माहित नाही कि मुंबई उच्च न्यायालयाने सांगितलं आहे कि, सचिन वाझे हा गुन्हेगारी प्रवृत्तीचा व्यक्ती असून त्याला याच आरोपाखाली सध्या तो तुरुंगात आहे. त्याच्या कोणत्याही विधानावर विश्वास ठेवावा असा तो व्यक्ती नाही. असं कोर्टाने म्हंटल आहे. अशा या गुन्हेगारी प्रवृत्तीच्या व्यक्तीला हाताशी धरून देवेंद्र फडणवीस माझ्यावर आरोप करत आहेत. मी फडणवीस यांच्यावर आरोप केले होते म्हणून सचिन वाझेला हाताशी धरून फडणवीस माझ्यावर आरोप करत आहेत असं अनिल देशमुख यांनी म्हंटल.
वाझेचे आरोप काय?
जे जे रुग्णालयात वैद्यकीय तपासणीसाठी नेत असताना सचिन वाझे याने प्रथमच प्रसारमाध्यांशी संवाद साधत खळबळ उडवून दिली. त्यावेळी ते म्हणाले, अनिल देशमुख हे गृहमंत्री असताना पीएच्या माध्यमातून पैसे घ्यायचे. देशमुख पैसे घ्यायचे याचे सीबीआयकडे पुरावे आहेत. मी देवेंद्र फडणवीस याना पत्र लिहून सर्व माहिती दिली आहे असा खुलासा सचिन वाझे याने केला. महत्वाची बाब म्हणजे एकीकडे अनिल देशमूख हे फडणवीसांवर १०० कोटीच्या वसुली प्रकरणी आरोप करत असताना सचिन वाझेने ध्यानी मनी नसताना थेट देशममुखांवरच आरोप केल्याने त्याने साधलेल्या टायमिंगची सर्वत्र चर्चा होत आहे.