हॅलो महाराष्ट्र ऑनलाईन । धनंजय मुंडेंनी (Dhananjay Munde) करुणा मुंडेंसोबत (Karuna Munde) लग्न केलंच नाही असा दावा धनंजय मुंडे यांच्या वकिलांनी केला आहे. माजी मंत्री धनंजय मुंडे (Dhananjay Munde) यांनी करुणा शर्मा (Karuna Sharma) (मुंडे) यांना दर महिन्याला 2 लाखांची पोटगी देण्याचे आदेश वांद्रे सत्र न्यायालयाने दिले होते, त्याआदेशावरोधात दाखल केलेल्या याचिकेवर आज माझगाव सत्र न्यायालयात सुनावणी झाली. यावेळी धनंजय मुंडेंच्या वकिलांनी धनंजय मुंडे आणि करुणा मुंडे यांचं लग्नच झालं नसल्याचे सांगून खळबळ उडवून टाकली.
कोर्टात नेमकं काय घडलं?
धनंजय मुंडे यांनी करुणा शर्मा यांच्याशी अधिकृत लग्न केलंच नाही असा युक्तिवाद धनंजय मुंडे यांच्या वकिलांनी केला. जर लग्न झालंच नाही तर मी पोटगी कशी देणार? असा सवाल धनंजय मुंडेंच्या बाजूने वकिलांनी विचारला, मग धनंजय मुंडे आणि करुणा शर्मा यांच्या दोन मुलाची आई आणि वडील कोण आहेत? असा सवाल करत न्यायाधीशांनी धनंजय मुंडेंच्या वकिलांना कोंडीत पकडलं.. यावर उत्तर देताना धनंजय मुंडेंनी करुणा मुंडेंच्या दोन्ही मुलांचा स्वीकार केला आहे, परंतु करुणा मुंडेंशी धनंजय मुंडेंनी अधिकृत लग्न केलंच नाही असं धनंजय मुंडेंच्या वकिलांनी कोर्टात सांगितलं. राजश्री मुंडे याच धनंजय मुंडे यांच्या खऱ्या पत्नी आहेत, असा दावा वकिलांनी केला.
मुलं तुमची आहे म्हणता मग करुणा शर्मा त्यांच्या आई कशा नाहीत, अशी विचारणा कोर्टकडून धनंजय मुंडेंना करण्यात आली.. त्यावर उत्तर देताना धनंजय मुंडेंनी करुणा शर्मा यांच्यासोबत काही काळ घालावला याचा अर्थ त्या धनंजय मुंडे यांच्या पत्नी होतं नाही.. पती पत्नी सारखे त्यांचे संबंध नव्हते आणि अधिकृत लग्नही झाले नव्हते असा युक्तिवाद धनंजय मुंडेंच्या वकिलांनी केला. धनंजय मुंडे यांचा एक लग्न झालेला आहे त्यामुळे दुसरं लग्न त्यांनी केलेला नाही, धनंजय मुंडे आणि करुणा शर्मा यांचे संबंध परस्पर संमतीने होते हे कुठेही लपवले नाही. फक्त धनंजय मुंडे यांचं करुणा शर्मा यांच्यासोबत लग्न झालेलं नाही असं वकिलांनी ठासून सांगितलं… तसेच करुणा मुंडे यांचे इन्कम वर्षाला १५ लाखाच्या जवळपास आहे. त्या इन्कम टॅक्स भरतात. त्या आर्थिकदृष्ट्या सक्षम आहेत, तरी त्यांनी पोटगीसाठी अर्ज केला आहे असं वकिलांनी कोर्टात सांगितलं.
यानंतर कोर्टाने याबाबत करुणा मुंडेंच्या वकिलांना विचारलं असता, धनंजय मुंडे यांच्यासोबत करुणा शर्मा यांचे लग्न 1998 ला झाला आहे, या लग्नानंतर त्यांना अपत्य आहेत, त्यांचे एकत्र फोटो आहेत… धनंजय मुंडे आणि करुणा मुंडे यांच्या लग्नाचे पुरावे आमच्याकडे आहेत…. आम्हाला वेळ हवा आहे, असं करुणा शर्माच्या वकीलांनी सांगितले. यानंतर पुढील तारखेपर्यंत आपण पुरावे सादर करा, असा न्यायालयाने सांगितले. आता पुढील सुनावणी 5 एप्रिलला ठेवण्यात आली आहे.
