सह्याद्री वाहिनीवरील ७ च्या बातम्या देणाऱ्या ‘या’ वृत्तनिवेदिकेच निधन

मुंबई । दूरदर्शन सह्याद्री वाहिनीच्या माजी वृत्तनिवेदिका मालविका मराठे यांचं आज दुपारी प्रदीर्घ आजारानं निधन झालं. त्या ५३ वर्षांच्या होत्या. गेल्या वर्षभरापासून मालविका यांना मेंदूच्या कर्करोगानं ग्रासलं होतं. दरम्यान, आज याच आजारामुळ त्यांची प्राणज्योत मालवली. आपल्या कारकिर्दीच्या सुरवातीला मालविका मराठे मुंबई आकाशवाणी केंद्रावर उद्घोषक कार्यरत होत्या. आकाशवाणीत उद्घोषक म्हणून काम करत असतानाच, त्यांनी अनेक नाटकांमधेही भूमिका केल्या होत्या. त्यानंतर त्या १९९१ साली दूरदर्शनच्या वृत्त विभागात रुजू झाल्या.

१९९१ ते २००१ पर्यंत दूरदर्शनच्या वृत्तविभागात तब्बल १० वर्षे काम केल्यानंतर त्यांनी दूरदर्शनवरच्याच ‘हॅलो सखी’ या लोकप्रिय कार्यक्रमाचं सलग १२ वर्ष सूत्रसंचालनही केलं. केवळ वृत्तसंपादक आणि उद्घोषक हीच त्यांची ओळख नव्हती तर, अनेक नाटकांमध्ये त्यांनी भूमिका साकारल्या होत्या. अलिकडंच नव्या संचात आलेल्या ‘मोरुची मावशी’ या नाटकातही त्यांनी भूमिका साकारली होती. मालविका यांनी अनेक मालिकांमधेही त्यांनी काम केलं होतं. अनेक रंगमंचीय कार्यक्रमाच्या सूत्रसंचालक आणि निवेदिकेची जबाबदारीही त्यांनी पार पाडली होती. मालविका यांच्या निधनावर त्यांचे सहकारी आणि वृत्त क्षेत्रातील मंडळींनी त्यांच्या निधनावर शोक व्यक्त केला आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”

 

You might also like