Edible Oil Price | महागाईमध्ये दिवसेंदिवस वाढ होत चाललेली आहे. त्यामुळे सामान्य नागरिक अगदी कोलमडून गेलेला आहे. हातात मिळणारा पगार आणि महिन्याची बजेट यात खूपच जास्त तफावत जाणवत आहे. अगदी स्वयंपाक करताना गृहिणींचे बजेट देखील महागाईमुळे कोलमडलेले आहे. दर महिन्याला येणारा पगार हा घर खर्चातच निघून जातो. त्यामुळे त्यांना गुंतवक करणे किंवा इतर कुठल्याही गोष्टींसाठी महिन्याच्या शेवटी पैसे पुरत नाही. यामुळे सगळीकडे संतप्त असे वातावरण आहे.
त्यातच आता पुन्हा एकदा सामान्य नागरिकांच्या खिशाला जास्त कात्री लागणार आहे. कारण की आता महागाईने पुन्हा एकदा तोंड वर काढलेले आहे. सध्या महाराष्ट्रात सणासुदीचा काळ चालू झालेला आहे. आणि इथून पुढे बरेच सण येतात. आणि अशातच आता खाद्यतेलाच्या (Edible Oil Price) किमतीत मोठ्या प्रमाणात वाढ करण्यात आलेली आहे. ऐन सणासुदीच्या वेळेला सर्वसामान्य जनतेला हा एक मोठा आर्थिक फटका बसणार आहे. दरवर्षी सणासुदीचा काळ आला की, खाद्य तेलाला खूप जास्त मागणी वाढते. त्यामुळेच खाद्यतेलाची किंमत देखील वाढलेली आहे.
त्यामुळे यावर्षी देखील या खाद्यतेलाच्या किमती वाढलेल्या आहेत. हाती आलेल्या माहितीनुसार खाद्यतेलाच्या किमती या 10 ते 15 रुपयांनी वाढलेल्या आहेत. एकीकडे खाद्यतेलाच्या किमती तर वाढलेल्या आहे, परंतु दुसरीकडे तेलाचा तुटवडा देखील जाणवायला लागलेले आहे. जास्त तेल उपलब्ध नाही. त्यामुळे सर्वसामान्य गरीब जनतेला याचा खूप जास्त त्रास होत आहे. कारण त्याच खाद्यतेसाठी आता त्यांना जास्त पैसे जावे लागणार आहे. बाजारात देखील खाद्यतेलाचे साठे खूपच कमी झालेले आहेत. त्यामुळे तेल कमी पडत आहे. आता किमती वाढल्यानंतर तेलाचे भाव नक्की कसे असणार आहेत? हे आपण जाणून घेणार आहोत.
खाद्यतेलाचे नवीन दर | Edible Oil Price
- सरकी – 125 ते 130
- शेंगदाणा तेल – 182 ते 188
- सोयाबीन तेल – 115 ते 12p
- पामतेल – 115 ते 120
- सूर्यफूल तेल – 120 ते 125
सगळ्या खाद्य तेलाच्या किमतीमध्ये किलोमागे 15 ते 20 रुपयांनी वाढ झालेली आहे. काही दिवसापूर्वी या किमती नियंत्रणात होत्या. परंतु श्रावण महिना संपल्यानंतर या किमती पुन्हा एकदा वाढलेले आहेत. श्रावण महिना सुरू झाल्यानंतर लगेच गणेशोत्सव चालू झाला. त्यानंतर आता पितृपंधरावडा, नवरात्र, दसरा, दिवाळी हे सण लागोपाठ येणार आहेत. हे सण महाराष्ट्रात खूप जल्लोषात साजरे केले जाते. आणि नेमके याच सणाच्या पार्श्वभूमीवर खाद्यतेलाच्या किमतीत वाढ झाल्याने सामान्य नागरिकांमध्ये संतप्त असे वातावरण निर्माण झालेले आहे.