कमी पटसंख्येच्या शाळांवर नेमणार कंत्राटी शिक्षक; दरमहा मिळणार एवढे मानधन

हॅलो महाराष्ट्र ऑनलाईन | सध्या राज्यामध्ये अनेक इंग्लिश मीडियम तसेच कॉन्व्हेंट स्कूल झालेले आहेत. त्याचप्रमाणे आजकालचे नवीन पालक हे त्यांच्या मुलांना देखील कॉन्व्हेंट शाळेमध्ये शिक्षण देत असतात. परंतु याचा परिणाम आता जिल्हा परिषद हा परिषद तसेच स्थानिक स्वराज्य संस्थांच्या शाळांवर झालेला आहे. कारण गावातील विद्यार्थी देखील दुसरीकडे जाऊन शिक्षण घ्यायला लागल्यामुळे शाळांचा पट हा 20 किंवा त्यापेक्षाही कमी आहे. त्यामुळे आता या शाळांमध्ये इथून पुढे सेवानिवृत्त शिक्षक, डीएड, बीएड उत्तीर्ण बेरोजगार तरुण-तरुणींना शिक्षक म्हणून नोकरी मिळण्याची संधी आहे. त्याचप्रमाणे शालेय शिक्षण विभागाने याबाबत गुरुवारी एक मोठा निर्णय घेतलेला आहे. यामध्ये त्यांनी या तरुणांना नोकरी देण्याचा निर्णय घेतलेला आहे. तसेच त्यांना दर महिन्याला 15000 रुपये मानधन देण्याचे देखील सांगितलेले आहे.

ज्या शाळांमध्ये कमी पटसंख्या आहे. त्या शाळांमध्ये या कंत्राटी पद्धतीने शिक्षक भरती केली जाणार आहे. या शिक्षकांना वर्षात 12 रजा असणार आहेत. तसेच शाळेचे शिक्षक ज्याप्रमाणे तास घेतात आणि इतर विषय शिकवतात. त्याचप्रमाणे त्यांना शिकवावे लागणार आहे. या शिक्षकांच्या कामाचे एक वर्षानंतर मूल्यमापन केले जाईल. परंतु त्यात जर त्यांचे काम चांगले नसेल. समाधानकारक नसेल तर त्यांची सेवा तिथेच बंद केली जाईल. तसेच त्या शाळांमधील शिक्षकांची बदली देखील केली जाणार नाही. हे कंत्राटी शिक्षकांवर केंद्र प्रमुख गटात शिक्षणाधिकारी प्राथमिक शिक्षण निधीकारांचे नियम नियंत्रण असेल, असे देखील या शासन निर्णयात सांगितलेले आहेत.

महत्त्वाच्या गोष्टी

• ज्या स्थानिक स्वराज्य संस्थांच्या शाळांमध्ये पटसंख्या ही 20 किंवा त्यापेक्षा कमी आहे. त्या शाळांमध्ये म्हणून दोन शिक्षकांपैकी एक जण हा सेवानिवृत्ती किंवा बीएड झालेल्या बेरोजगार उमेदवाराची कंत्राटी पद्धतीने निवड करण्यात येईल.
• तसेच निवृत्त झालेल्या शिक्षकाचे वय 70 वर्षापर्यंत असावे. तो व्यक्ती कोणत्याही मान्यताप्राप्त शिक्षण संस्थेतून सेवानिवृत्त झालेला असावा.
• त्याचप्रमाणे ज्यावेळी निवृत्ती शिक्षकाची नेमणूक केली जाईल. त्याला त्या गटासाठी शिक्षण घ्यायचे आहे. त्या गटाला सेवा काळातच अध्ययन केलेले असावे.
• निवृत्ती शिक्षका तीन वर्षापर्यंत नेमला जावा. तसेच वय 70 होईपर्यंत त्याची नियुक्ती करावी. तो व्यक्ती शारीरिक आणि मानसिक दृष्टीने सक्षम असावा.
• त्याचप्रमाणे ज्या लोकांचे डीएड, बीएड झालेले आहे. त्या उमेदवारांना करार पद्धतीने कंत्राती तत्त्वावर त्यांची नियुक्ती केली जाईल.
• त्याचप्रमाणे डीएड आणि बीएड बेरोजगार तरुणांना एकाच वर्षासाठी नेमणूक करण्यात येईल. त्यानंतर त्याची योग्यता तसेच गुणवत्ता पाहून पुढील काळ ठरवला जाईल.