हॅलो महाराष्ट्र ऑनलाईन| आज सकाळी 11 वाजल्यापासून पावसाळी अधिवेशनाला सुरुवात झाली. त्यानंतर सर्वात प्रथम विधानसभा अध्यक्ष राहुल नार्वेकर (Rahul Narwekar) यांनी ज्या आमदारांनी राजीनामा दिला आहे, अशा सर्व आमदारांची नावे सभागृहात वाचून दाखवली. हे सर्व आमदार लोकसभा निवडणूक निवडून आल्यानंतर संसदेत गेले. त्यामुळे त्यांना विधानसभा सदस्यत्वाचा राजनामा द्यावा लागला आहे. यात एकूण 8 आमदारांचा समावेश आहे. हे आमदार नेमके कोणते आहेत? पाहुयात.
राजीनामा दिलेल्या आमदारांची नावे
राजू पारवे – २४ मार्च २०२४
निलेश लंके – १० एप्रिल २०२४
प्रणिती शिंदे – १० जून २०२४
बळवंत वानखेड – १२ जून २०२४
प्रतिभा धानोरकर – १३ जून २०२४
संदीपान भुमरे – १४ जून २०२४
रविंद्र वायकर – १४ जून २०२४
वर्षा गायकवाड – १८ जून २०२४
यंदाच्या लोकसभा निवडणुकीत महाराष्ट्रातील 7 आमदार लोकसभेवर निवडून गेले आहेत. यावेळी विधानसभेचे 13 आणि विधानपरिषदेचे 2 अशा 15 आमदारांनी लोकसभेची निवडणूक लढवली होती. यातील सात आमदारांचा विजय झाला. तर 8 आमदार पराभूत झाले. पराभूत झालेल्या आमदारांमध्ये सुधीर मुनगंटीवार, राम सातपुते, मिहिर कोटेचा, यामिनी जाधव, विकास ठाकरे, रवींद्र धंगेकर, शशिकांत शिंदे, महादेव जानकर यांचा समावेश आहे.